Rozë

Publikohet ‘trailer’-i i sezonit të dytë të “Squid Game”

Autori: Gazeta inFokus 12:55 | 19 June 2023

Që kur “Squid Game” u bë një fenomen global, fansat e serialit kanë kërkuar lajme për një sezon të dytë.

Pritja më në fund mbaroi, pasi Netflix ka zbuluar ‘trailer’-in për “Squid Game 2”, i cili sjell personazhe të rinj që i janë bashkuar kastit të mëparshëm.

‘Trailer’-i i shkurtër tregon pak nga ajo që pritet të ndodhë këtë sezon, përfshirë lojërat vdekjeprurëse nga sezoni i kaluar: “Red Light, Green Light” dhe “Glass Bridge Race”.

-Advertisement-

Videoja zbuloi gjithashtu yllin e “Squid Game”, Seong, i luajtur nga ikona koreane, Lee Jung-jae, që do të kthehet në krye të sezonit të dytë.

Përveç kastit të rikthyer, Netflix bën me dije një numër aktorësh të rinj do t’i bashkohen këtij sezoni.

Kjo përfshin aktorin dhe këngëtarin korean, Yim Si-Wan së bashku me Kang Ha-neul, Park Sung-hoon dhe Yang Dong- geun.

Ndërsa karakteret e këtyre aktorëve nuk u zbuluan, të katër ata shfaqen duke qëndruar pezull mbi butonin që lejon lojtarët të votojnë për vazhdimin e lojërave.

Me daljen e tij në 2021, seriali u bë një sensacion global dhe vazhdoi të thyente rekorde të shumta shikueshmërie në Netflix.

Mbetet shfaqja më e shikuar e platformës dhe grumbulloi një rekord prej 1.65 miliardë orësh shikimi në vetëm 28 ditë, duke tejkaluar rekordin e mëparshëm, “Bridgerton”.

Ky serial po ashtu mori 14 nominime marramendëse për “Emmy” në Primetime dhe u bë shfaqja e parë në gjuhë të huaj që u nominua.

Akoma nuk ka një datë të saktë se kur do të jetë premiera e “Squid Game 2”.