Lajme

Kusari-Lila thotë se mbledhja e Kryesisë së Kuvendit dështoi për shkak të mungesës së Hoxhajt e Shalës

Autori: Gazeta inFokus 16:00 | 12 June 2023

Shefja e Grupit Parlamentar të Lëvizjes Vetëvendosje Mimoza Kusari Lila, i ka reaguar deputetit të PDK-së Abelard Tahiri, i cili deklaroi se mbledhja e kryesisë së Kuvendit të Kosovës, dështoi pasi që nuk ishin të pranishëm përfaqësues të VV-së.

Kusari e ka demantuar Tahirin, duke pohuar se mbledhja e Kryesisë së Kuvendit, ka dështuar për shkak të mungesës së dy nënkryetarëve të Kuvendit nga opozita, Enver Hoxhaj nga PDK dhe Kujtim Shala nga LDK.

Kusari në reagimin e saj ka kërkuar nga Tahiri që mos të dezinformojë, duke u munduar kështu që të mbuloi dështimet e subjektit që përfaqëson në Kuvend.

-Advertisement-

Postimi i plotë i Kusarit:

Demantim:

Urime edhe ty Abelard Tahiri dita e çlirimit të Kosovës! Çka mund të bësh sot si duhet është të pakten të mos dezinformosh duke mbuluar dështimet e subjektit që përfaqëson në Kuvend!

Për informim të drejtë të opinionit publik, sot mbledhja e Kryesisë së Kuvendit ka dështuar për shkak të mungesës së dy nënkryetarëve të Kuvendit nga opozita, Enver Hoxhaj nga PDK dhe Kujtim Shala nga LDK.

Nuk është e vërtetë deklarata e shefit të GP të PDK-së që për shkak të mungesës së përfaqësuesit të LVV nuk ka pasur kuorum në mbledhjen e Kryesisë.

Për të satën herë me radhë, shefat e grupeve parlamentare NUK E BËJNË kuorumin e Kryesisë, atë e përbëjnë Kryetari dhe Nënkryetarët e Kuvendit. Sot prezent ishin, Kryetari Glauk Konjufca dhe Nënkryetari Bahrim Shabani nga pozita, ndërsa dy Nënkryetarët nga opozita pa ndonjë paralajmërim, nuk u paraqiten në takim.

Kjo tendencë e ikjes nga përgjegjësia e obligimeve parlamentare nuk i bën nder opozitës dhe as nuk i shton vlerë demokracisë parlamentare.

Do të ishte mirë z. Tahiri të tregonte pse Nënkryetari nga radhët e PDK-së nuk ishte prezent sot dhe jo të mundohej kotësisht të bënte kauzë opozitare të paqenë.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme