Lajme

Protesta masive në Beograd, Vela: Fjalët e Vuçiqit dhe makineria e tij nuk kanë më peshë

Autori: Gazeta inFokus 10:37 | 10 June 2023

Blerim Vela, shef i stafit të presidentes së Kosovës, Vjosa Osmani, ka reaguar pas protestës masive e cila u mbajt një ditë më parë në Beograd, të Serbisë.  

Vela përmes një postimi në rrjetin social Twitter ka shkruar se pavarësisht pretendimeve paranojake të regjimit të Vuçiqit se Kosova po nxit protesta, populli i Serbisë e ka parë këtë propagandë dhe ka dalë në një numër të madh.

Ai tha se kjo tregon qartë se fjalët e Vuçiqit dhe makineria e tij propagandistike nuk kanë më peshë.

-Advertisement-

Tutje Vela tha se: “Sido që të quhet Maidan apo Pranvera Serbe, protestat vazhdojnë derisa Vuçiq t’i adresojë kërkesat e protestuesve. Sa më shpejt që vlerat evropiane të demokracisë të zbatohen vërtetë, aq më i lehtë është kalimi nga qeverisja e drejtuar nga dhuna në një bazë mbi dialogun dhe përfshirjen”.

Ndryshe, të premten në protestën e gjashtë “Serbia kundër dhunës”, të premten, dhjetëra mijëra qytetarë në Beograd nisën një marsh drejt Qeverisë së Serbisë.

Protestat u zhvilluan me ftesë të një pjese të opozitës, për shkak të pakënaqësisë ndaj reagimit të Qeverisë së Serbisë ndaj krimeve nga të shtënat masive, në fillim të majit, ku humbën jetën 18 persona.

Subscribe në YouTube: GAZETA INFOKUSI
Etiketa:
Nëntori sjellë Magjinë në ETC
-Advertisement-

Të tjera

Fokusi

lajme