Lajme

Çeku: Kurti do ta ketë shumë shpejt përgjigjen për të gjithë lidhur me zhvillimet e fundit

Autori: Gazeta inFokus 14:04 | 07 June 2023

Ministri i Kulturës, Rinisë dhe Sportit, Hajrulla Çeku, ka paralajmëruar se kryeministri Albin Kurti shumë shpejt do t’i kthejë përgjigje bashkësisë ndërkombëtare për kërkesat e tyre për deeskalimin e situatës në veri.

Këtë deklarim ai e ka bërë të mërkurën, në një konferencë për media pas mbledhjes së Qeverisë, transmeton Telegrafi.

Ministri tutje ka thënë se mbajnë takime të rregullta të brendshme në Lëvizjen Vetëvendosje dhe kanë diskutuar shumë çështje, përfshirë edhe tensionet e fundit në komunat veriore.

-Advertisement-

“Kryesia e LVV-së mban takime të rregullta. Në të gjitha këto takime merr pjesë edhe kryeministri dhe kryetari i subjektit tonë. Aty diskutohen të gjitha çështjet politike, përfshirë edhe zhvillimet e fundit. Sot nuk do të doja të flisnim për çështje që lidhen me partinë, por dua të ju siguroj që kryeministri Kurti shumë shpejt do të ketë përgjigje edhe për faktorin ndërkombëtar, edhe për mediat, edhe për qytetarët”, ka thënë Çeku.

Subscribe në YouTube: GAZETA INFOKUSI