Lajme

Haradinaj kujton dëshmorin Xhemajl Fetahaj dhe masakrën mbi familjen Gërxhaliu: Përulemi gjithmonë para veprës së të rënëve për liri!

Autori: Gazeta inFokus 11:33 | 31 May 2023

Kryetari i Aleancës për Ardhmërinë e Kosovës (AAK), Ramush Haradinaj, ka kujtuar heronjtë Xhemajl Fetahaj dhe Milazim Shala në 24-vjetorin e rënies së tyre.

Haradinaj ka thënë se dy heronjtë ishin pjesë e një momenti vendimtar historik.

“Xhemajl Fetahaj dhe Milazim Shala, ishin pjesë e një momenti vendimtar historik. Thyerja e kufirit që ndau shqiptarët për një shekull, ishte ëndërr e shumë brezave. Sot i kujtojmë në 24-vjetorin e rënies, veprën e tyre heroike, që në momentet më vendimtare i dolën në mbrojtje nderit të Atdheut, duke e shkruar me gjakun e tyre historinë e tij”, është shprehur Haradinaj.

-Advertisement-

Ai ka kujtuar edhe masakrën mbi familjen Gerxhaliu ku humbën jetën 13 anëtarë.

“Gjithashtu, sot shënojmë 24 vjetorin nga masakra mbi familjen Gërxhaliu, ku humbën jetën 13 anëtarë, një familje e tërë, fëmijë e të moshuar, të ekzekutuar pamëshirshëm, vetëm pse ishin shqiptarë, në tokën dhe në të drejtën e tyre. Selatini i zoti i shtëpisë, që ra atë ditë në përpjekje për të mbrojtur familjen, ishte luftëtar i dalluar i Brigadës 142 “Mehë Uka”. Përulemi gjithmonë para veprës së të rënëve për liri!”, ka thënë Haradinaj.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy