Lajme

KFOR-i drejtuar protestuesve në Leposaviq: Përderisa të jetë e qetë këtu, ne mund të ofrojmë dialog

Autori: Gazeta inFokus 11:46 | 30 May 2023

Ushtarë të KFOR-it janë parë duke biseduar me protestuesit serbë në Leposaviq.

Njëri nga ushtarët u ka thënë atyre se KFOR-i mund të ofrojë dialog për aq kohë sa situata është e qetë.

“Përderisa të jetë e qetë këtu, ne mund të ofrojmë dialog” – dëgjohet dukë i thënë ushtari njërit prej protuestuesve gjatë bisedës, gjersa një protestues i është përgjigjur se kryetarët e rinj kanë ardhur në komunë me forcë.

-Advertisement-

“Kemi deklarata se në Zveçan dhe Zubin Potok kryetarët nuk do të shkojnë (në punë) pikërisht në këtë objekt. Ata nuk do të shkojnë në punë në ndërtesat e reja ku janë zgjedhur së fundmi…. Jeta në Leposaviq ka ndalur. Ata erdhën këtu duke përdorur forcën, kështu që ne nuk mund të kthehemi në jetën tonë normale” – është dëgjuar duke thënë protestuesi.

Më pas ushtuari i ka thënë se ata do të bisedojnë me kryetarin e komunës.

“Do të bisedojmë me kryetarin e komunës, ta shohim atë, të shohim se cili është plani i tij, të shohim nëse mund të arrijmë në një zgjidhje paqësore” – është përgjigjur ushtari.

Mirëpo, protestuesi ka këmbëngulur që policët dhe kryetarët të largohen nga komuna.

“Thuaju atyre të largohen nga godina, policëve dhe kryetarëve” – ka vazhduar protestuesi./KALLXO.com

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy