Kryetarët e rinj shqiptar në tri komunat veriore, Zubin Potok, Zveçan dhe Leposaviq janë duke u përballur me vështirësi gjatë punës së tyre në objektet komunale, kjo për shkak se serbët lokalë atje po tentojnë të hyjnë më forcë në këto objekte.

Pas zhvillimeve të së premtes, ku serbët sulmuan policët dhe krijuan barrikada në rrugë, ata po vazhdojnë me protesta të dhunshme edhe gjatë ditës së sotme.

Njohësi i çështjeve të sigurisë, Nuredin Ibishi ka thënë se është pritur që të ketë tensione në veri pas marrjes së detyrës nga kryetarët e rinj shqiptar.

-Advertisement-

Megjithatë, ai shpreson që të arrihet një zgjidhje sot në takimin që kanë kryetarët me ambasadorin amerikan, Jeff Hovenier.

“Është paraparë dhe mendoj që zhvillimet kanë me qenë me tensione në kuptim të asaj që serbët shtyhen nga Serbia. Serbët tentojnë të pengojnë punën e kryetarëve të tri komunave, Sot është takimi i kryetarëve me ambasadorin amerikan, shpresoj të arrihet një qëndrim rreth mbarëvajtjes së punës në katër komuna”, theksoi ai.

Ibishi mesa tjerash tha se kryetarët e rinj do të koordinohen me faktorin ndërkombëtar se ku do të vazhdojnë procesin e punës.

“Do të jetë tensionuese se si dot ë zhvillojnë kryetarët e rinj punën në aspektin e sigurisë, se a do të shkojnë aty në selitë e komunave, apo në ndonjë vend tjetër ku dot ë koordinohen me fajtorin ndërkombëtar, apo do ë vazhdohet me prezencë në komunave, ku do të ketë protesta të vazhdueshme të serbëve të shtyrë nga Beogradi”, u shpreh ai.

Ibishi theksoi se Polica e Kosovës ka kryer punën e saj në mënyrë profesionale, duke përdor asistencë në vendosjen e kryetarëve në tri komunat veriore.

Siç tha Ibishi, Policia e Kosovës ka kapacitete që të vazhdojë me mbrojtjen e objekteve komunale, pasi që tensionet nga serbët lokalë do të vazhdojnë, duke shtuar se mbetet që të shihet se në çfarë formash do të veprojnë tutje serbët.

Nga tensionet e së premtes në veri u lënduan pesë policë si dhe u dëmtuan katër vetura zyrtare.

Zhvillimet në komunat veriore nxitën reagime të shumta nga BE dhe SHBA, të cilët kërkuan të mos ketë përshkallëzim të situatës dhe të mos ketë provokime nga asnjëra anë.

Në anën tjetër, udhëheqësit e shtetit, Vjosa Osmani dhe kryeministri Albin Kurti, kanë thënë se ligji dhe rendi duhet të jetë në gjithë vendin, teksa kanë ftuar serbët lokalë të bashkëpunojnë më kryetarët e rinj shqiptar. /Telegrafi

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-