Sport

Gjithnjë e më larg Juventusit, Di Maria me “sytë” nga Spanja dhe Gjermania

Autori: Gazeta inFokus 11:28 | 26 May 2023

Angel Di Maria nuk do të rinovojë kontratën me Juventusit dhe kjo është një dëshirë si e vetë lojtarit ashtu edhe klubit. Secili për motivet e veta duke qenë se argjentinasi nuk është dakord me taktikat e trajnerit Massimiliano allegri, ndërsa drejtuesit e shohin të panevojshme të rinovojnë me të paktën shtatë milionë euro me një 35-vjeçar.

Në këtë formë, sulmuesi ka nisur të mendojë për të ardhmen teksa alternativat nuk i mungojnë teksa së fundmi listës i është shtuar edhe Borussia Dortmund. Verdhezinjtë që presin të zyrtarizojnë titullin kampion, ëndërrojnë një goditje prestigjioze dhe duket se Kampioni i Botës me Argjentinën përmbush kushtet e gjermanëve. Di Maria po merr kohë për ta menduar ofertën teksa për të aktivizimi në Bundesliga do të ishte një risi që mund ta joshë në fundin e karrierës. Gjithsesi, në anën tjetër është edhe Spanja.

Di Maria e njeh mirë LaLiga-n pas eksperiencës me Real Madrid teksa tashmë ka një tjetër propozim nga kryeqyteti dhe tashmë bëhet fjalë për Atleticon e Diego Simeones. Por, nuk duhet lënë pas edhe Barcelona që ishte pranë anësorit edhe verën e shkuar. Mes palëve ka pasur gjithnjë një “flirt” dhe mbetet për t’u parë nëse do të bashkohen këtë verë.

-Advertisement-