Rozë

Bebe Rexha mahnit me paraqitjen në “amfAR Gala” në Kanë

Autori: Gazeta inFokus 10:19 | 26 May 2023

Bebe Rexha dukej tejet sensacionale teksa mori pjesë në “amfAR Gala” në Hotel du Cap-Eden-Roc në Kanë të enjten.

Këngëtarja e “Say My Name”, 33 vjeçe, mori vëmendje të madhe në mbrëmjen e mbushur me yje.

Veshja e saj nga Faraz Manan mburrej me një model korseje në pjesën e sipërme e të lëshuar deri në fund të këmbëve.

-Advertisement-

Kjo vjen pasi Bebe dha një intervistë për “The Jennifer Hudson Show”, ku mes shumë gjërave foli edhe për shtimin në peshë për shkak të vezores policistike.

Ajo theksoi se kishte lexuar komentet në një nga videot e saj të fundit në TikTok dhe nuk ishte e kënaqur me atë që thuhej për të.

“Dëgjo, ne jemi në sy të publikut, kështu që kjo do të ndodhë”, i tha ajo Hudson.

“Isha shumë më e hollë dhe fitova pak peshë. Unë nuk jam e inatosur për këtë sepse është e vërtetë, por kur sheh gjëra të tilla, të bën të mërzitesh”, shtoi bukuroshja nga Dibra.

“Ju nuk e dini se çfarë po kalon dikush, çfarë po kalon në jetën e tij/saj, kështu që është disi e vështirë. Por ndihem sikur jemi në vitin 2023… nuk duhet të flasim për peshën e njerëzve”.

Fustanin e shoqëroi me një model interesant në shpinë, një kordele të madhe ngjyrë kafe.

Flokët e bardha ndërkaq i kapi tërësisht me disa fije të lëshuara në fytyrë.

Pavarësisht shtimit në peshë, ajo nuk ka dyshim se është njëra nga artistet më të pëlqyera në tregun ndërkombëtar.