Rozë

Rama pyet Luizin nëse martesa me Kiarën është reale apo për spektakël

Autori: Gazeta inFokus 10:15 | 20 May 2023

Fama e Luiz Ejllit ka përfshirë pothuajse të gjithë dhe fituesi i Big Brother VIP Albania 2 po vazhdojnë të jetë i pranishëm në shumë dalje publike dhe intervista.

Së fundmi, edhe kryeministri i Shqipërisë, Edi Rama e ftoi këngëtarin në një ‘podcast’ bashkë me kryetarin e sapo zgjedhur të Shkodrës, Benet Beci.

Mes një interviste që Rama i bëri Luizit për gjithë rrugëtimin e tij, kryeministri e pyet gjithashtu për martesën me moderatoren dhe ish-banoren e BBVA 2, Kiara Titon.

-Advertisement-

Një ceremoni martesore mes Luizit dhe Kiarës u zhvillua në natën finale të BBVA dhe kurorëzimi i tyre u bë nga i pari i Tiranës, Erion Veliaj.

Dhe Rama e pyeti nëse martesa e tyre ishte reale, apo sa për spektakël.

“Një gjë dua të di unë, kjo martesa sa dole nga aty është reale apo vazhdim i spektaklit, po pyes se thash larg qoftë se këtë e ka organizuar Lali (Erion Veliaj) se do patjetër të martonte Luizin, urojë të trashëgohesh dhe të kesh një martesë sa më të lumtur”, i tha Rama.

“Unë nuk e di si i ke punët me Lalin, por është reale, më erdhi keq që nuk ishe”, u përgjigj Luizi.

Në këtë intervistë, Rama me dy të ftuarit e tij foli edhe për ndikimin që Luizi pati në fushatën e Becit në Shkodër. /Telegrafi/

Subscribe në YouTube: GAZETA INFOKUSI