Lajme

Bërnabiq: Parlamenti është vendi për diskutim, nuk është kohë për ndarje politike

Autori: Gazeta inFokus 20:52 | 18 May 2023

Kryeministrja e Serbisë, Ana Bërnabiq, tha sot në seancën e Kuvendit të Serbisë kushtuar masave të sigurisë pas dy tragjedive të ndodhura dy javë më parë atje, se parlamenti serb është i vetmi forum ku politikanët seriozë dhe të përgjegjshëm duhet të diskutojnë për masat që po merr shoqëria dhe vlerësoi se nuk është koha për përçarje politike.

“Si dikush që beson thellësisht në vlerat demokratike, besoj se Asambleja Kombëtare është vendi i duhur për të diskutuar të gjitha temat, jo shfaqjet, dhe veçanërisht temat që janë kaq të vështira dhe kaq të rëndësishme për shoqërinë tonë dhe për qytetarët tanë”, tha Bërnabiq, raporton Tanjug, transmeton Klan Kosova.

Ajo shtoi se do t’u përgjigjet pyetjeve të deputetëve dhe do të diskutojë aq sa duhet për gjendjen e sigurisë para dhe pas tragjedive, për masat që janë marrë, pritshmëritë dhe deri ku kanë arritur me zbatimin e tyre.

-Advertisement-

Para pak ditësh Serbia u trondit kur fillimisht një 9-nëntëvjeçar vrau disa nxënës në shkollën e tij, e më pas edhe një 21-vjeçar ka shtënë mbi tetë persona në një fshat afër Beogradit, duke i lënë të vdekur.

Subscribe në YouTube: GAZETA INFOKUSI
Etiketa:
E treta e verteta, shpallet fituesi I trete I Lojes Shperblyese se Artmotion?
-Advertisement-

Të tjera

Fokusi

lajme