Lajme

Policia jep detaje për të shtënat me armë zjarri në Prishtinë, një i lënduar

Autori: Gazeta inFokus 14:03 | 17 May 2023

Gazeta Infokus pak më parë raporti për të shtëna me armë zjarri në Prishtinë e ku si pasojë pas përleshjeve fizike ka mbetur i lënduar një person.

Këtë e ka konfirmuar për Infokus zëdhënësja e policisë për rajonin e Prishtinës , Flora Ahmeti, ku tha se i dyshuari është identifikuar.

“Sot rreth orës 12:30, kemi marrë informatën për të shtëna me armë zjarri të ndodhur në rrugën ” Bajram Bahtiri” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast gjatë përleshjes fizike është lënduar një person, i cili është dërguar për tretman mjekësor. Hetuesit policor në koordinim me prokurorinë, po ndërmarrin veprimet hetimore për arrestimin e personit të dyshuar ( i cili është identifikuar) si dhe ndriçimin e plotë të rastit”, deklaroi Ahmeti për Infokus.

-Advertisement-

Ndryshe kanë treguar se hetuesit policor janë në hetim për arrestimin e të dyshuarit dhe për ndicimin e plotë të rastit./Gazeta Infokus/