Lajme

Vitia pret në takim një delegacion nga Malta, i udhëhequr nga homologu i tij Jo-Etienne Abela

Autori: Gazeta inFokus 11:28 | 15 May 2023

Ministri i Shëndetësisë, Arben Vitia, bashkë me zëvendësministren Dafina Gexha – Bunjaku, pritën në takim ministrin e Maltës, Jo-Etienne Abela, bashkë me delegacionin e tij të përbërë nga Anthony Serracino-Inglott, Caroline Muscat dhe Jessica Spiteri.

Gjatë këtij takimi u diskutua për përvojën e dobishme që mund të përfitojë Kosova nga Malta shkaku i rrugës së ngjashme nëpër të cilën ka ecur për avancimin e sistemit të shëndetësisë.

Në veçanti u theksua rëndësia e ngritjes së kapaciteteve institucionale në AKPPM dhe trajnimi i stafit që është i angazhuar në rregullativën e barnave në Republikën e Kosovës, ndërsa në këtë drejtim është tejet e çmueshme mbështetja e Maltës bazuar në përvojën e saj.

-Advertisement-

Ministri Vitia tha se ofrimi i shërbimeve të kompletuara shëndetësore, duke përfshirë edhe shkëmbimin e përvojës për sigurimin e produkteve medicinale, është një proces i rëndësishëm për të avancuar sistemi farmaceutik në vend, sipas standardeve bashkëkohore të shteteve evropiane.

Gjatë këtij takimi ministrat ranë dakord për fushat e bashkëpunimit, ndërsa thanë se është e rëndësishme që ky proces të vazhdojë me hapa të shpejtuar.

 

Subscribe në YouTube: GAZETA INFOKUSI
Etiketa:
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme