Fun & Video

Vendosi një kamerë në tualetin e anijes dhe filmoi mbi 150 njerëz, arrestohet pasagjeri

Autori: Gazeta inFokus 12:49 | 10 May 2023

Një pasagjer i një anije e cila lundronte në Karaibe, është arrestuar pasi një kamerë me video të dhjetëra njerëzve, u gjet në një tualet publik.

Jeremy Froias hipi në Royal Caribbean’s Harmony of the Seas në Miami më 29 prill, për një udhëtim shtatë-ditor.

Anija duhej të vizitonte Sint Maarten, Puerto Rico dhe Bahamas, përpara se të kthehej në Miami të shtunën e kaluar.

-Advertisement-

Më 30 prill, Froias dyshohet se fshehu një kamerë Wi-Fi në një tualet publik, në kuvertën e sipërme të anijes.

Kamera u pikas një ditë më pas nga një pasagjer tjetër dhe u raportua tek stafi i sigurisë së anijes, sipas dokumenteve të gjykatës.

Stafi i sigurisë së anijes sekuestroi kamerën dhe gjeti se më shumë se 150 persona, duke përfshirë të paktën 40 fëmijë, u filmuan nga kamera e fshehtë në gjendje të ndryshme të zhveshjes.

Froias u arrestua të mërkurën e kaluar në Porto Riko dhe u akuzua për video vojeurizëm (voyeurizmi përcakto një çrregullimi i seksualitetit) dhe tentativë për posedim të materialit për shfrytëzimin e fëmijëve.

Subscribe në YouTube: GAZETA INFOKUSI