Lajme

Nga sot qytetarët obligohen t’i dorëzojnë armët e paregjistruara në Polici

Autori: Gazeta inFokus 10:42 | 08 May 2023

Qytetarët që posedojnë armë të paregjistruara, nga e hëna e 8 majit, e deri më 8 qershor siç ka njoftuar Ministria e Brendshme e Serbisë mund t’i dorëzojnë ato armë në çdo stacion policor.

“Qytetarët që dorëzojnë armët e paregjistruara në atë periudhë nuk do të kenë nevojë të dëshmojnë prejardhjen e tyre dhe ato mund t’i lënë në polici çdo ditë nga ora 07:00 deri në orën 19:00”, ka njoftuar Ministria e Brendshme.

Presidenti serb, Aleksandër Vuçiq, ka thënë të dielën se pret përgjegjësi nga qytetarët dhe ka kërkuar nga ata që të mos fshihen dhe t’i hedhin armët, por t’ia dorëzojnë policisë.

-Advertisement-

Ministria e Brendshme serbe, nisi aksionin për dorëzimin e armëve pa leje pas dy vrasjeve masive që ndodhën në fshatrat afër Mlladenocit dhe Smederevës , si dhe në shkollën fillore të Beogradit “Vladislav Ribnikar”, në të cilat u vranë 17 persona dhe më shumë se 20 u plagosën.