Lajme

Deklarohet KFOR-i për Urën e Ibrit: Kjo çështje të zgjidhet me dialog

Autori: Gazeta inFokus 12:02 | 30 April 2023

KFOR-i është deklaruar në lidhje me hapjen e Urës së Ibrit për qarkullim, duke thënë se kjo çështje duhet zgjidhur përmes dialogut politik.

Kështu ka thënë KFOR-i në një përgjigje për Klankosova.tv.

“Rihapja e urës së Austerlitz-it është një çështje që duhet zgjidhur përmes dialogut politik”, thuhet në përgjigjen e KFOR-it.

-Advertisement-

Tutje, KFOR-i tregoi se po vazhdojnë të monitorojnë të gjitha zhvillimet lokale dhe mbetet i fokusuar në zbatimin e Rezolutës 1244.

“Misioni i KFOR-it i udhëhequr nga NATO vazhdon të monitorojë zhvillimet lokale dhe mbetet plotësisht i fokusuar në zbatimin e përditshëm të mandatit të tij – bazuar në Rezolutën 1244 të Këshillit të Sigurimit të OKB-së të vitit 1999 – për të siguruar një mjedis të parrezikshëm dhe të sigurt dhe lirinë e lëvizjes për të gjitha komunitetet në Kosovë”.

KFOR-i gjithashtu vazhdon të ofrojë mbështetjen e nevojshme të sigurisë në mënyrë që përpjekjet diplomatike të udhëhequra nga BE të mund të ecin përpara.

Subscribe në YouTube: GAZETA INFOKUSI