Lajme

Reagon Trajkoviq: Një ‘superfanse’ e Radoiçiqit në ekipin menaxhues për Asociacionin, tmerr kush po vendos për popullin serb

Autori: Gazeta inFokus 12:58 | 27 April 2023

Rada Trajkoviq, kryetare e Partisë së Lëvizjes Evropiane të Serbëve, ka reaguar pasi që është publikuar dokumenti se deputetja e partisë SNS e Aleksandar Vuçiqit është pjesë e ekipit menaxhues për Asociacionin, të cilën e kishte emëruar ish-ministri Goran Rakiq nga Lista Serbe.

Trajkoviq në Twitter ka shkruar se deputetja e SNS-it, udhëheq ekipin për hartimin e statutit të Asociacionit.

“Sigurisht që ajo nuk është juriste dhe nuk ka kualifikime për këtë punë. Por, është superfanse e Millan Radoiçiqit”, ka shkruar Trajkoviq.

-Advertisement-

Ajo ka thënë se është e tmerrshme se në fatin e kujt kanë mbetur serbët.

“Është e tmerrshme në duart e kujt Vuçiqi e vendos fatin e serbëve në këtë moment kritik. Dhe pastaj pyetet pse puna me Asociacionin po ngec”, ka përfunduar ajo, transmeton Telegrafi.

Ndryshe, ministri i Administrimit dhe Pushtetit Lokal, Elbert Krasniqi ka publikuar disa dokumente ku pjesë e grupit punues është Danijella Vujiçiq që është deputete në parlamentin e Serbisë.

Ajo ishte emëruar nga Goran Rakiq nga Lista Serbe, në kohën kur ishte zëvendëskryeministër në vitin 2020, gjatë mandatit të udhëhequr nga Avdullah Hoti.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy