Sport

Ancelotti vendos alarmin pas disfatës në kampionat: Te Reali nuk fitojmë dot pa bashkëpunim

Autori: Gazeta inFokus 08:47 | 26 April 2023

Real Madrid pësoi një humbje shokuese në transferttë ndaj Gironës me shifrat 4-2. Të besuarit e trajnerit Carlo Ancelotti u shpërfytyruan në fushë me teknikun italian që pas sfidës pati shumë për t’iu thënë lojtarëve të tij.

Ancelotti theksoi se Reali e ka shumë të ështirë të fitojë nëse lojtarët në fushë nuk bashkëpunojnë sa i takon repartit difensiv ndërsa shtoi se tifozët duhet të vijojnë ta përkrahin skuadrën pasi janë në finalen e Kupës dhe gjysmëfinalen e Champions League.

“Një disfatë asnjëherë nuk është e kënaqshme, por nëse e trajton siç duhet atëherë edhe mund të shërbejë. Skuadra duhet të kuptojë që pa bashkëpunim në aspektin difensiv, nuk mund të fitojë. Ndaj Gironës mungoi bashkëpunimi dhe nëse lojtarët nuk e kanë kuptuar ende këtë atëherë jam i gatshëm t’ua përsëris çdo ditë.

-Advertisement-

Ishim shumë keq në mbrojtje dhe prej kësaj humbëm ndeshjen, po ashtu futbollistët çaluan edhe individualisht. Skuadra ishte nervoze, megjithatë ftoj tifozerinë të na mbështesë pasi është fundi i sezonit dhe jemi në finalen e Kupës së Mbretit si dhe në gjysmëfinalen e Champions League”, u shpreh Ancelotti.