Lajme

Gërvalla tregon vijat e kuqe për Asociacionin: Nuk lejojmë që të shkelen

Autori: Gazeta inFokus 23:06 | 20 April 2023

Ministrja e Punëve të Jashtme të Kosovës, Donika Gërvalla, ka folur rreth vijave të kuqe të Asociacionit.

Gërvalla tha se janë dy pika që nuk lejojnë që të shkelen.

“Vijat e kuqe për Asociacionin janë cenimi i sovranitetit, si dhe cenimi i funksionalitetit të Republikës së Kosovës. Këto janë dy pika që në asnjë format të bisedimeve me ndërkombëtarët nuk do të lejojmë të shkelen”, deklaroi Gërvalla në RTK.

-Advertisement-

Tutje, ajo tha se nuk ka asnjë zotim të institucioneve të Kosovës në zbatimin e Asociacionit me ato elemente ekzekutive që cënojnë funksionalitetin e shtetit.

Përkundrazi, sipas saj, ka një zotim për të gjetur një format, ku do të mund të organizoheshin Komunat me Shumicë Serbe, që nuk cënojnë sovranitetin e funksionalitetin e vendit, ngase “këto janë parakushte që kemi hyrë në negociata”.

Kurse për 5 shtetet mosnjohëse të shtetit, ministrja Gërvalla tha se askush nuk mund të garantojë në arritjen e njohjeve nga ana e tyre, sepse ato janë shtete sovrane, por që, garantoi përpjekjet e saj maksimale për arritjen e njohjeve nga, të paktën, të 4 shteteve që janë anëtare të NATO-s.

Subscribe në YouTube: GAZETA INFOKUSI