Kishte shkuar për ta parë shtëpinë të cilën planifikonte ta merrte me qira.

Por, me të shkuar aty një grua u sulmua seksualisht nga pronari i asaj shtëpie.

-Advertisement-

E njëjta rastin e lajmëroi në Polici me c’rast dhe u dërgua në ekzaminim mjekësor.

I dyshuari u arrestua e Prokuroria Themelore në Prishtinë pritet të marr masat ligjore.

“Lidhur me këtë rast ju njoftojmë se Prokurori i Shtetit ka lëshuar aktvendim mbi ndalim për të dyshuarin, për shkak të veprës penale “Dhunimi, sipas KPRK-së dhe brenda afatit ligjor do të ushtrojë kërkesë për caktimin e masës së paraburgimit ndaj të njëjtit, pranë Gjykatës kompetente. Prokuroria në koordinim të plotë me Policinë e Kosovës dhe institucionet relevante janë duke ndërmarrë veprime hetimore për ta sqaruar në plotëni këtë rast”, kanë thënë nga Prokuroria Themelore në Prishtinë.

Pos këtij sulmi seksual, një tjetër ndodhi në Gjilan po brenda 24 orëve të fundit.

Viktima pasi kishte hip në një taksi, sipas Policisë, i dyshuari e kishte ndryshuar drejtimin për në një vend të panjohur dhe kishte sulmuar seksualisht qytetaren nga Gjilani.

“Ju njoftojmë se për këtë rast Prokuroria Themelore në Gjilan, Departamenti për Krime të Rënda, ka ndaluar të pandehurin H.B., si dhe ndaj tij ka kërkuar caktimin e masës së paraburgimit në kohëzgjatje prej 30 ditësh nga Gjykata Themelore në Gjilan, për shkak të dyshimit se ka kryer veprën penale ‘’Dhunimi’’, të Kodit Penal të Republikës së Kosovës”, kanë thënë nga Prokuroria Themelore në Gjilan.

Rastet që u raportuan vetëm gjatë së mërkurës, sipas aktivistes  Neri Ferizi tregojnë se gratë në Kosovë nuk janë të sigurta.

Ajo ka kritika edhe për trajtimin e këtyre rasteve nga institucionet.

“Vërtetë nëse shteti nuk e ndërmerr këtë si urgjencë, me kriju mekanizma që me ndalu këtë dhunë që është në raport gjinor sepse po kritikohemi kur po themi këtë por kur i ka ndodhë një burri me shku me marr një banesë me qira dhe me u përdhunua ose kur I ka ndodhë dikujt në taksi prandaj është shumë e rëndësishme me pa se ku qëndrojmë e pastaj me marr hapa dhe me kriju mekanizma shtetëror që me luftu këtë dhunë”, ka thënë Neri Ferizi, aktiviste.

Gjatë kësaj jave edhe një  person tjetër është arrestuar pasi që i njëjti dyshohet se ka dhunuar një të mitur në një motel të Kamenicës./RTV Dukagjini/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-