Lajme

INDEP publikon manualin për gazetarë – “Raportimi për Ambientin”

Autori: Gazeta inFokus 11:35 | 19 April 2023

Instituti për Politika Zhvillimore (INDEP), sot ka publikuar manualin për gazetarët, “Raportimi i Ambientit”, ku do të jetë një mjet esencial për raportimin e çështjeve mjedisore, shkruan Gazeta Infokus.

Përmes një njoftimi nga INDEP, kanë treguar se manuali do të ofrojë një guidë gjithëpërfshirëse në atë se si të raportohet në mënyrë efikase, të shpejtë dhe të lehtë.

“Çështjet mjedisore janë injoruar për disa dekada në Kosovë dhe tashmë dëmi i natyrës shihet në çdo cep të vendit. Këto problematika të paraqitura ndikojnë negativisht jo vetëm në kohën e sotme, por do ofrojnë efekte negative edhe për gjeneratat pasuese. Gazetarët janë ata që hulumtojnë, zbulojnë dhe paraqesin në publik ndikimet që po i bëhen mjedisit nga dora e njeriut. Manuali për gazetarët – “Raportimi për Ambientin” do të jetë një mjet esencial për raportimin e çështjeve mjedisore. Manuali do të ofrojë një guidë gjithëpërfshirëse, në atë se si të raportohet në mënyrë efikase, të shpejtë dhe të lehtë. Ky dokument mbulon tema të ndryshme si kuptimi i hulumtimit të të dhënave, kryerja e intervistave me personat adekuat, identifikimi i burimeve të besueshme, paraqitja skenike e lajmit dhe prezantimi i çështjeve komplekse mjedisore në mënyrë të qartë dhe koncize”, thuhet në njoftimin e INDEP.

-Advertisement-

Për të lexuar këtë manual, ju lutem klikoni këtu: https://indep.info/raportimi-per-ambientin/

/Gazeta Infokus/

Subscribe në YouTube: GAZETA INFOKUSI