Sport

Dashuria e madhe për Dortmundin, veprimi i kapitenit lumturon tifozët

Autori: Gazeta inFokus 09:50 | 10 April 2023

Marco Reus është një legjendë e gjallë në “Signal Iduna Park”. Kapiteni luan me Borussia Dortmund prej vitit 2012.

Edhe pse ofertat nuk i kanë munguar kurrë, sidomos nga ana e Bayern Munchen, Reus nuk e ka çuar asnjëherë ndërmend të largohet nga skuadra e tij e zemrës.

Bild raporton se drejtuesit e klubit dhe agjenti i lojtarit kanë arritur marrëveshjen për të rinovuar me një tjetër vit kontratën që i përfundon këtë verë.

-Advertisement-

33-vjeçari ka pranuar të ulë pagën e tij sezonale nga 12 në 7 milionë euro. Reus ka shënuar 161 gola në total me verdhezinjtë.

Gjatë këtij sezoni, ai numëron 6 gola dhe 5 asiste në 18 ndeshje të zhvilluara në kampionat.

Reus është një nga lojtarët më të talentuar dhe me klas që ka nxjerrë futbolli gjerman. Por edhe ndër më fatzinjtë për shkak të dëmtimeve të shumta që ka pësuar.

Dortmund po zhvillon një sezon shumë të mirë dhe po garon për fitimin e Bundesligës me Bayernin. Bavarezët kryesojnë me dy pikë më shumë.

Subscribe në YouTube: GAZETA INFOKUSI