Sport

Dy eurogola si zëvendësues, Zhegrova mes më të mirëve në Francë

Autori: Gazeta inFokus 13:02 | 03 April 2023

Edon Zhegrova po kalon një formë shumë të mirë sportive. Sulmuesi dardan realizoi golin e Kosovës në barazimin 1-1 ndaj Andorrës, ndërkohë që ishte protagonist në fundjavë në Ligue 1.

24-vjeçari shënoi dy gola në suksesin 3-1 të Lille kundër Lorient, duke ardhur nga stoli. Zhegrova u fut në fushë në minutën e 82’ dhe ia doli të dërgonte dy herë topin në rrjetën kundërshtare.

Në fund festoi gjatë me ultrasit franceze. Sulmuesi i krahut është përzgjedhur në formacionin më të mirë të javës në kampionatin francez të futbollit.

-Advertisement-

Zhegrova u vlerësua me notën 9. Më mirë se ai vetëm Alexis Flips i Reims, i cili shënoi dy herë në triumfin 0-3 të skuadrës së tij në fushën e Nantes.