Sport

Humbja ndaj Rennes, Galtier: Nuk shqetësohem për të ardhmen, kam një titull për të fituar!

Autori: Gazeta inFokus 10:09 | 20 March 2023

Paris Saint-Germain nuk po mundet të dalë dot nga krizë dhe këtë e tregoi edhe në sfidën e fundit në kampionat ndaj Rennes, të cilën skuadra e Christophe Galtier e humbi me rezultatin 0-2.

Në këtë situatë një nga pyetjet që është duke u diskutuar shumë së fundmi në media është: “A është pozicioni i Christophe Galtier te Pais Saint-Germain i sigurt pas humbjes në shtëpi ndaj Rennes, ndërsa më herët u eliminua në fazën e 1/16-ave nga Champions League?”.

Një çështje të cilën trajneri ka dashur ta mbyllë me një përgjigje shumë të qartë.

-Advertisement-

“Unë fokusohem vetëm në dhjetë ndeshjet e mbetura për të fituar kampionatin. E them këtë me shumë qartësi, përpiqem t’i mbaj të gjithë lojtarët të bashkuar, nuk duhet të dorëzohemi sepse fundi i sezonit është larg. Nuk jetoj në mënyrë pasive apo me shqetësim për të ardhmen time. Dua të jem në gjendje të garantoj se në fund të sezonit do të jemi kampionë të Francës, por do të duhet të gjejmë sërish forca.”-deklaroi ai.

Subscribe në YouTube: GAZETA INFOKUSI