Sport

Interi përgatit revolucionin, vetëm 7 lojtarë të sigurt për sezonin e ri

Autori: Gazeta inFokus 10:17 | 03 March 2023

Interi përgatit revolucionin. Dy sezone radhazi pa titull, kanë nxitur reflektimin në kampin zikaltër. Drejtuesit e klubit po mendojnë të ndryshojnë deri në gjysmën e organikës aktuale.

Sipas mediave italiane, në grup nuk ka më të paprekshëm, ndaj shumë do të varet edhe nga ofertat. Deri tani vetëm 7 lojtarë bëjnë pjesë në listën e atyre që do të qëndrojnë me siguri.

Onana, Darmian, Dimarco, Asllani, Mkhitaryan, Calhanoglu e Lautaro janë lojtarët që do të mbajnë veshur fanellën zikaltër edhe për sezonin e ardhshëm. Dhe pikërisht sulmuesi argjentinas pritet të jetë lideri i ri, pasi do t’i besohet shiriti i kapitenit.

-Advertisement-

Sa u përket largimeve, 6 futbollistë janë në listën e sigurt. Bëhet fjalë për Handanovic, D’Ambrossio, Skriniar, Gagliardini, Dumfries e Bellanova.

Katër të parëve u skadon kontrata dhe nuk u është ofruar rinovimi. Për Bellanovën nuk do të ushtrohet e drejta e blerjes nga Cagliari, ndërsa Dumfries do të shitet për të mbushur arkat.

Subscribe në YouTube: GAZETA INFOKUSI