Lajme

Stuhi të rrezikshme dimri përfshijnë Shtetet e Bashkuara

Autori: Gazeta inFokus 10:20 | 24 February 2023

Shërbimi Kombëtar i Motit paralajmëroi për një “stuhi të ftohtë dhe të rrezikshme dimri” deri të shtunën. Deri në 1.5 metra borë mund të bjerë në disa male pranë Los Anxhelosit, duke përbërë një rrezik për ortekët.

Si pasojë e stuhisë u mbyllën autostradat ndërshtetërore nga Arizona në Uajoming, shoferët u bllokuan në makina dhe pati ndërprerje të energjisë elektrike për qindra mijëra qytetarë dhe familje.

Stuhia e rëndë në veri të SHBA-së, mbylli shkollat, zyrat, dhe gjithë legjislaturën e Minesotës. Sipas shërbimit të gjurmimit FlightAware, për shkak të motit më shumë se 1,600 fluturime u anuluan në gjithë vendin. Mbi 5,000 fluturime të tjera u vonuan.

-Advertisement-

Në Uajoming, ekipet e shpëtimit u përpoqën të arrinin te njerëzit e bllokuar në automjete, por erërat e forta dhe bora krijuan një “situatë pothuajse të pamundur” për ta, tha Jeremy Beck, shef i patrullës së autostradës së Uajoming.

Erërat e fuqishme ishin problemi më i madh në Kaliforni, duke rrëzuar pemë dhe duke shkatërruar linja elektrike. Deri të mërkurën në mbrëmje u raportua se më shumë se 65,000 familje në këtë shtet ishin pa energji elektrike.

Për herë të parë që nga viti 1989, një paralajmërim për stuhi u lëshua për malet e Los Anxheles, Ventura dhe Santa Barbara.

Më shumë se 8,000 persona mbetën pa energji elektrike në Arizona. Në veri të SHBA-së, një rajon i mësuar me stuhi të tilla, temperaturat mund të bien deri në minus 32 gradë Celsius.

Raportohet se më shumë se 192,000 qytetarë osë familje në Miçigan dhe gati 89,000 në Illinois ishin pa energji elektrike të mërkurën në mbrëmje./VOA

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme