Gjermania do të dërgojë në Ukrainë “gjysmë batalioni” tanke
Autori: Gazeta inFokus 18:07 | 15 February 2023
Gjermania tha se do të dërgojë në Ukrainë “gjysmë batalioni” tanke Leopard 2, përderisa aleatët e NATO-s duket se po vazhdojnë të punojnë për të siguruar makina të rënda që janë zotuar se do t’i dërgojnë Kievit.
Berlini tha muajin e kaluar se synon të dërgojë rreth 30 tanke për të ndihmuar forcat ukrainase që të luftojnë pushtimin rus, pasi Gjermania u përball me presion nga Kievi dhe mbështetësit e tij që të japë dritën jeshile për lejimin e dërgimit të tankeve.
Por, ministri gjerman i Mbrojtjes, Boris Pistorius, pas takimit me homologët e tij të NATO-s në Bruksel, tha se deri më tani kanë mbledhur vetëm 14 tanke të reja Leopard të llojit A6, dhe tre nga Portugalia.
“Le të jemi të qartë: Ne nuk kemi arritur të grumbullojmë një batalion. Ne do të ofrojmë gjysmë batalioni”, tha ai.
“Sa i përket Leopardëve gjermanë, dua të them edhe një herë se tanket tona do të dërgohen në javën e fundit të marsit. Kjo është e sigurt”, shtoi ai.
Gjermania, Polonia dhe Ukraina kanë mbajtur bisedime me anëtarët e tjerë të NATO-s në margjinat e samitit në Bruksel të martën, në tentim për të siguruar më shumë tanke për Kievin.
Pistorius tha se do të mbahen bisedime të tjera më vonë gjatë kësaj jave me donatorë të tjerë potencialë.
Ai tha se Berlini është kundër që Holanda të dërgojë 14 tanke Leopard 2, pasi kjo “do të dobësonte gatishmërinë operacionale” të brigadës së përbashkët gjermano-holandeze, ku këto tanke përdoren.
Ukraina ka kërkuar nga mbështetësit e saj perëndimorë që t’i dërgojnë tanke moderne, në mënyrë që të luftojë ofensivën ruse.
Polonia po ashtu është zotuar se do të dërgojë një batalion me Leopard 2 në Kiev dhe aktualisht është duke trajnuar trupat ukrainase për t’i përdorur këto tanke.
Kanadaja veçse ka dërguar disa tanke Leopard dhe Norvegjia është zotuar se do të dërgojë tetë të tjera./REL
Të tjera
-
Zgjedhjet në Maqedoninë e Veriut, kështu do të ndahen mandatet në Kuvend
VMRO-DPME fitoi zgjedhjet parlamentare të 8 majit në Maqedoninë e Veriut. For...
-
Konjufca uron Ditën e Evropës: Kosova duhet të anëtarësohet pa kushte shtesë në KiE
Kryetari i kuvendit, Glauk Konjufca, ka marrë pjesë në pritjen e organizuar n...
-
Sot Dita e Evropës, festë zyrtare në Kosovë
Sot është Dita e Evropës, e cila tradicionalisht festohet më 9 maj të çdo vit...
-
Moti sot me vranësira e shi
Sot parashihet të mbajë mot me vranësira të shpeshta dhe intervale të shk...
-
Konjufca: Kosova meriton dhe duhet të anëtarësohet pa kushtëzime shtesë në KiE
Në rastin e shënimit të 9 Majit, Ditës së Evropës, kryetari i Kuvendit Glauk ...
-
Takohen O’Brien, Escobar dhe Lajçak, i koordinojnë strategjitë për Kosovën e Serbinë
Asistent Sekretari i Departamentit të Shtetit, Jim O’Brien, ka pritur sot në ...
-
Osmani: Kosova storie suksesi e mbështetjes së SHBA-së, Serbia po punon kundrejt gjithçkaje
Presidentja e Kosovës, Vjosa Osmani, thotë se pati një diskutim përmbajtësor ...
-
Me tupana dhe flamuj, VLEN festë të madhe edhe në Tetovë
Me tupana dhe flamuj, VLEN feston edhe në Tetovë rezultatin zgjedhor për zgj...
-
Këto janë rezultatet nga numërimi i më shumë se gjysmës së votave në zgjedhjet kuvendare në Maqedoninë e Veriut
Komisioni Shtetëror i Zgjedhjeve ka filluar me publikimin e rezultateve të pa...
-
Zyra e BE-së në Kosovë shpall “Evropianin e vitit”
Zyra e Bashkimit Evropian në Kosovë për vitin e nëntë radhazi ka ndarë çmimin...
-
Presidencialet në RMV: Siljanovska Davkova po prin ndaj Pendarovskit
Kandidatja për presidente në Republikën e Maqedonisë së Veriut, Gordana Silja...
-
BDI shpall fitoren në Tetovë
Sot në Maqedoninë e Veriut, janë mbajtur dy procese zgjedhore. Është zhvil...