Stuhi masive dimërore në SHBA në prag të festave
![](https://gazetainfokus.com/wp-content/uploads/2022/12/deeeeeeeee-852x460.webp)
Autori: Gazeta inFokus
07:09 | 23 December 2022
Stuhi dimërore prekën një pjesë të madhe të Shteteve të Bashkuara të enjten duke rrezikuar planet e udhëtimit të miliona amerikanëve përpara Krishltindjeve, që në shumë qytete pritet të jenë më të ftohtat që janë regjistruar ndonjëherë.
Në prag të fundjavës së festave, stuhia pritet të godasë rajonin e Great Lakes, priten shira dhe ngrica në Bregun Lindor, erë të fortë deri në 100 km në orë dhe i ftohtë i hidhur në jug deri në kufirin meksikan.
“Ndërsa stuhia përhapet mbi Great Lakes, pritet të ndodhë një fenomen i motit i njohur si një ciklon bombë”, tha Shërbimi Kombëtar i Motit. Sipas shërbimit të motit, cikloni mund të shkaktojë reshje të forta dëbore dhe erëra prej më shumë se 80 km/h në rajonet qëndrore dhe në verilindje.
Ka të ngjarë që si pasojë e stuhisë të ketë ndërprerje të energjisë elektrike dhe udhëtimi nga toka dhe ajri mund të jetë i rrezikshëm ose I pamundur.
“Është e rrezikshme dhe kërcënuese,” tha Presidenti Joe Biden në Shtëpinë e Bardhë, duke u kërkuar amerikanëve që planifikojnë të udhëtojnë të mos humbasin kohë dhe të nisen të enjten. “Kjo nuk është si një ditë dëbore, kur ishim fëmijë, kjo është diçka serioze”.
“Më shumë se 48 shtete nga Uashingtoni në Florida janë në alarm për motin dhe njoftimet për përkeqësim të motit prekin 135 milionë njerëz”, tha metereorologu Robinson Cook.
Në disa zona si pjesa e mesme e Atlantikut mund të regjistrohen Krishtlindjet më të ftohta ndonjëherë.
Të dielën në Filadelfia pritet që temperaturat të zbresin në minus 9 gradë Celcius, më të ulëtat që nga viti 1943 ndërkohë që në qytetin Sioux në Ajova, termometri pritet të shënojë minus 26 gradë Celcius, duke thyer rekordin e vitit 1980.
Shoqata Amerikane e Automjeteve vlerëson se 112.7 milionë persona planifikojnë të udhëtojnë 80 km ose edhe më shumë mes datave 22 dhjetor deri ne 3 janar, 3.6 milionë më shumë njerëz se një vit më parë, për shkak të kufizimeve nga pandemia.
Më shumë se 2 mijë fluturime në SHBA të planifikura të enjten dhe të premten u anuluan, përfshirë 700 nisje dhe mbërritje nga dy aeroportë në Çikago, sipas të dhënave të FlightAware. Qindra fluturime janë anuluar në Denver.
Greg Carbin, shef i shërbimit meteorologjik në Qendrën e Parashikimit të Motit tha se temperaturat e ulëta pritet të godasin edhe Floridën duke shënuan një rënie prej 25 gradë Celcius. “Është shumë ftohtë për në Florida”, tha ai.
Drejtuesit e automjeteve në Ohajo dhe Tenesi janë paralajmëruar se rrugët mund të ngrijnë për shkak të rënies së menjëhershmë te temperaturave.
Shërbimi i motit paralajmëroi shira edhe në Oregon dhe Uashington ku edhe nisi stuhia, të enjten vonë.
Xhorxhia, Karolina e Veriut dhe Kentaki kanë shpallur gjendjen e emergjencës. Në Xhorxhia temperaturat arritën në minus 12 gradë Celcius.
“Presim kushte moti që si kemi parë prej më shumë se një dekadë”, tha Guvernatori i Xhorxhias Brian Kemp në një konferencë për shtyp.
![](https://gazetainfokus.com/wp-content/uploads/2023/11/artikull-1.png)
Të tjera
-
Policia e gatshme për ta zbatuar ndonjë urdhër të mundshëm për hapjen e urës e Ibrit, Kosova pret rekomandimin për heqjen e masave
Policia e Kosovës po pret urdhër që t’i heq pengesat mbi urën e Ibrit në Mitr...
-
Temperatura ekstreme deri në 46 gradë, vdesin 14 pelegrinë gjatë Haxhit në Mekë
14 pelegrinë, shtetas jordanezë kanë ndërruar jetë gjatë pelegrinazhit të Hax...
-
KPK publikon emrat e kandidatëve për prokurorë të rinj që kaluan testin me shkrim
Këshilli Prokurorial i Kosovës publikoi listën e kandidatëve që kanë kaluar t...
-
Berisha humb Apelin, mbetet “non grata” në Britani
Kreu i demokratëve, Sali Berisha, humbi të hënën gjyqin për t`u çliruar nga s...
-
Masat ndaj Kosovës mbeten ende, BE-ja e pret raportin e Borrellit
Zëdhënësi i Bashkimit Evropian, Peter Stano, ka thënë se masat e Bashkimit Ev...
-
Vetëm gjatë prillit 114 çifte i dhanë fund martesës së tyre
Numri i shkurorëzimeve është rritur viteve të fundit në Kosovë. Vetëm gjatë m...
-
Vetëvendosje paralajmëron sonte “tubim të madh” në 1 Tetori, thirrjen simpatizantëve ua bëri vetë Kurti
Zëdhënësi i Lëvizjes Vetëvendosje, Arlind Manxhuka, ka publikuar një video të...
-
Petkoviq: Shkrimi i draft-statutit të Asociacionit nga Rashiqi është truku më i zakonshëm i Albin Kurtit
Shefi i zyrës për Kosovë në qeverinë serbe, Petar Petkoviq, ka thënë se minis...
-
IKSHPK jep këshilla për mbrojtje nga temperaturat e larta
Instituti Kombëtar i Shëndetësisë Publike të Kosovës ka dalë me këshilla për ...
-
Kurti për Tahirsylajn: Kontributi i tij në fushën e metereologjisë dhe për UP’në do të mbetet i paharrueshëm
Kryeministri i Kosovës, Albin Kurti, ka shprehur ngushëllime familjarëve të ...
-
Osmani takohet me ministrin australian, e falënderon për mbështetjen e dhënë ndaj Kosovës
Presidentja Vjosa Osmani ka bërë të ditur se është takuar me ministrin për Sh...
-
Instituti Hidrometeorologjik i Kosovës shpreh ngushëllime për vdekjen e Sylë Tahirsylajt
Instituti Hidrometeorologjik i Kosovës ka shprehur ngushëllimet për vdekjen e...