Lajme

Osmani pret sot në takim zyrtarin amerikan, Gabriel Escobar

Autori: Gazeta inFokus 09:49 | 12 December 2022

I dërguar i Posaçëm i SHBA-ve për Ballkanin Perëndimor, Gabriel Escobar po qëndron për vizitë në Kosovë.

Gjatë ditës së sotme ai pritet të ketë takime me krerët e shtetit.

Telegrafi mëson se Escobar do të zhvillojë një takim me presidenten e vendit, Vjosa Osmani.

-Advertisement-

Takimi pritet të mbahet pasdite në zyrën e presidentes Osmani.

Ndryshe Escobar do të ketë takim edhe me kryeministrin Albin Kurti, takim ky i cili gjithashtu do të mbahet pasdite vonë, mëson Telegrafi.

Përveç Escobarit, për vizitë në Prishtinë do të jetë edhe këshilltari i Departamentit Amerikan të Shtetit, Derek Chollet.

Vizita e Escobar dhe Chollet, vjen menjëherë pas asaj të emisarit të BE-së, për dialogun Kosovë-Serbi, Miroslav Lajçk, i cili qëndroi në Prishtinë e Begorad për tu takuar me krerët e dy shteteve.

Po ashtu, kjo vizitë vjen edhe disa ditë pas njoftimit të kryediplomatit evropian, Josep Borell, se Prishtinës dhe Beogradit u është dorëzuar teksti i përditësuar i të ashtuquajturit plan franko-gjerman për normalizimin e marrëdhënieve.

 

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme