Sport

“Nuk dua të largohem nga Real Madrid”, Hazard me mesazh për Ancelotti-n: Si ta tregoj formën nëse s’kam minuta

Autori: Gazeta inFokus 09:55 | 15 November 2022

Ndryshe nga te Real Madridi, Eden Hazard është një zë autoritar në Belgjikë. Ai është as më shumë e as më pak, kapiten i Kombëtares dhe si i tillë ka folur i pari dhe ka treguar ndjesitë e para të grupit të Roberto Martinez në nisje të stërvitjes për Botërorin e Katarit.

Por përtej Kupës së Botës, lojtari është pyetur për situatën e tij te Real Madrid, ku ai nuk luan siç do të donte dhe ka kaluar disa muaj në stol, pavarësisht se është në gjendje perfekte për të luajtur.

“Nuk dua të largohem nga Real Madridi. Ndoshta situata ime do të ndryshojë pas Kupës së Botës, por është e vështirë të tregoj formë të mirë nëse nuk luaj”,- ishte mesazhi i qartë i belgut për Ancelottin.

-Advertisement-

Megjithatë, ai uli menjëherë pretendimet e tij dhe theksoi: “Është trajneri ai që merr vendimet. Unë dua të luaj dhe të tregoj se mund të luaj më shumë, por nëse nuk ke minuta është shumë e vështirë ta bësh këtë”.