Lajme

Halimi: Diplomacia me ‘sovranistë’ të padijshëm nuk zhvillohet

Autori: Gazeta inFokus 10:48 | 02 November 2022

Zëdhënësja e Lidhjes Demokratike të Kosovës, Sibel Halimi, ka thënë se të bësh një ndarje të tillë në mes të Kosovës dhe aleatit më të rëndësishëm, Shteteve të Bashkuara të Amerikës, jo vetëm që është shqetësuese, por edhe e dëmshme për vendin.

Sipas saj, kjo papjekuri politike, edhe historinë po e kthen në konsum populist ditor shkurtpamës, pa çarë kokën për pasojat afatgjate të këtij amatorizmi të skajshëm.

“Shtëpia pa miq nuk mbahet, politika në përgjithësi – e diplomacia në veçanti, me ‘sovranistë’ të padijshëm nuk zhvillohet”, shkruan mes tjerash Halimi.

-Advertisement-

Postimi i plotë:

Të bësh një ndarje të tillë në mes të Kosovës dhe aleatit tonë më të rëndësishëm, ShBA-ve, me ata me të cilët bashkërrugëtuam në përpjekjen tonë për liri, pavarësi e shtetndërtim, jo vetëm që është shqetësuese, por edhe e dëmshme për vendin.

Pikërisht, janë ShBA-të vendi që e ndihmoi Kosovën të krijojë rend e rregull. Kjo papjekuri politike, edhe historinë po e kthen në konsum popullist ditor shkurtpamës, pa çarë kokën për pasojat afatgjate të këtij amatorizmi të skajshëm.

Shtëpia pa miq nuk mbahet, politika në përgjithësi – e diplomacia në veçanti, me ‘sovranistë’ të padijshëm nuk zhvillohet.

Subscribe në YouTube: GAZETA INFOKUSI
Etiketa:
Çka do të thotë të gatuash shqip?
-Advertisement-

Të tjera

Fokusi

lajme