Lajme

Hill: Jemi të zhgënjyer dhe të shqetësuar që Kurti s’e shtyu afatin për targat

Autori: Gazeta inFokus 15:24 | 27 October 2022

“I zhgënjyer dhe i shqetësuar” u shpreh ambasadori amerikan në Beograd, Christopher Hill, me refuzimin e Kryeministrit të Kosovës, Albin Kurtit, për të shtyrë për 10 dhjetë muaj çështjen e riregjistrimit të targave serbe në RKS.

Christopher Hill në një përgjigje për median serbe “Blic.rs” tha se Shtetet e Bashkuara me partnerët e saj perëndimorë vazhdimisht i kanë kërkuar Qeverisë së Kosovës që të konsiderojnë shtyrjen dhjetë nuajshe të afatit për ri-regjistrimin e targave.

“Qeveria e Shteteve të Bashkuara të Amerikës, së bashku me partnerët e saj ndërkombëtarë, vazhdimisht kanë kërkuar nga Qeveria e Kosovës që të vazhdojë periudhën e zbatimit të riregjistrimit të automjeteve. Jemi të zhgënjyer dhe të shqetësuar për refuzimin e Qeverisë së Kosovës për të pranuar kërkesat dhe këshillat e partnerëve të saj më të afërt ndërkombëtarë për këtë çështje”, tha Hill, përcjell Reporteri.net.

-Advertisement-

Kryeministri i Kosovës, Albin Kurti, ndonëse i është kërkuar nga ShBA dhe BE që të shtyjë edhe për një periudhë dhjetë mujore çështjen e ri-regjistirmit të targave ilegale serbe në RKS, ka mohuar se do të ketë shtyrje të këtij afati të fundit kohor, përkatësisht më 31 tetor.

Subscribe në YouTube: GAZETA INFOKUSI