Lajme

Hill: Ka shumë punë në dialogun Kosovë-Serbi, mirë që u inkuadruan zyrtarët e lartë evropianë

Autori: Gazeta inFokus 16:27 | 13 October 2022

Ambasadori amerikan në Serbi, Christopher Hill, i është gëzuar përfshirjes së zyrtarëve të lartë europianë në dialogun Kosovë-Serbi, duke aluduar në Francën dhe Gjermaninë për angazhimin e tyre të fundit për marrëveshjen që duhet ta arrijnë Kosova dhe Serbia.

“Ka ende shumë punë për t’u bërë, por përshëndes përfshirjen e zyrtarëve të lartë europianë në proces, të cilët dëshirojnë ta iniciojnë atë dialog”, tha Hill për mediat serbe.

Hill foli edhe për marrëdhëniet e Serbisë me Rusinë, për ndikimin e të cilës tha se ka një ndikim të madh dhe negativ në situatën energjetike në Serbi.“Ne të gjithë e dimë për këto vështirësi, por mendimi im është se Serbia e kuptoi se duhej të largohej (nga Rusia) dhe mendoj se po shohim përparim, se Serbia po bën atë që duhet të bëjë. Përparim u pa edhe në Nju Jork, kur Serbia iu bashkua 145 vendeve të tjera për të dënuar sulmin e Rusisë ndaj fqinjit të saj”, theksoi ambasadori amerikan.

-Advertisement-

Hill shtoi se përpiqen të bashkëpunojnë edhe më ngushtë “se kurrë më parë” me Serbinë.

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme