Lajme

Ardian Gjini i shkruan letër Ministres Nagavci, propozon një formë të re të zëvendësimit të orëve të humbura

Autori: Gazeta inFokus 14:28 | 07 October 2022

Kryetari i Komunës së Gjakovës, Ardian Gjini i ka shkruar letër Ministres së Arsimit, Arbërie Nagavci lidhur me vendimin për kompensimin e orëve të humbura të mësimit gjatë grevës së mësimdhënësve.

Gjini i ka propozuar ministres një formë të re të kompensimit të orëve të humbura, meqë siç ka thënë ai kompensimi i orëve të humbura gjatë fundjavës dhe ditëve të pushimit do të ishte i lodhshëm për fëmijët, shkruan Gazeta Online Reporteri.net.

Ndër të tjera, si arsye ai ka përmendur edhe faktin se zëvendësimi i këtyre orëve në këtë formë do të shkaktonte kosto të përballueshme për Komunën e Gjakovës, duke pasë parasysh koston e ngrohjes, që këtë vit pritet të jetë shumë më e lartë se viteve të tjera.

-Advertisement-

Andaj, Gjini ka kërkuar që orët duhet kompensuar gjatë ditëve të punës, pesë orë shtesë në javë për çdo klasë dhe nxënës deri në kompensimin e plotë.

Për këtë letër, Gjini ka thënë se nuk ka marrë ende përgjigje nga Ministria.

Postimi i plotë:

ORËT E HUMBURA TË MËSIMIT DUHET TË KOMPENSOHEN GJATË DITËVE TË PUNËS JO NË FUNDJAVË DHE GJATË DITËVE TË PUSHIMIT

Ministria e Arsimit duhet ta ndryshojë vendimin për kompensimim e orëve të punës të humbura gjatë grevës.

Orët e punës duhet të kompenzohen, por jo gjatë fundjavës dhe ditëve të pushimit.
Fillimisht, fëmijët do të stërlodhen. Edhe familjet e tyre.

Së dyti, për shkak të pasigurisë që na pret si pasojë e krizës energjetike, shpenzimi i energjisë do të jetë shumë më i lartë dhe me rrezik të pamundësisë për t’i ngrohur shkollat.

Edhe bartja e nxënësve, që është obligim ligjor i yni, do të jetë më e vështirë për shkak të çmimit të karburantit.

Prandaj orët duhet kompenzuar gjatë ditëve të punës, pesë orë shtesë në javë për çdo klasë dhe nxënës deri në kompensimin e plotë.
Për këtë, dje ia kam dërguar një letër ministres së arsimit dhe nuk kam marrur përgjegje.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy