E konfirmojnë shifrat, askush si Haaland deri në moshën 22-vjeçare
Autori: Gazeta inFokus 10:24 | 04 October 2022
Askush si Erling Haaland. Sulmuesi norvegjez njihej si një makineri golash dhe po e përforcon këtë bindje edhe në Premier League, ku ka shënuar deri tani 14 gola, në harkun e vetëm 8 ndeshjeve, ose dyfishin e Harry Kane, që vjen pas tij në renditjen e golashënuesve.
Sulmuesi norvegjez është vetëm 22 vjeç dhe numëron tashmë 28 gola në Champions league, ndonëse ka luajtur vetëm 21 ndeshje, ndërsa në Premier League ka shënuar tre 3-golësha, aq sa emra si Ronaldo, Drogba, Kane e Vardy i kanë shënuar gjithë karrierën e tyre.
“Te Haaland sheh të bashkohen në një cilësitë e shumë sulmuesve të mëdhenj, si Ronaldo, Ibrahimovic, por edhe Inzaghi”, u shpreh Peter Schmeichel, ish portier legjendar i Danimarkës dhe Manchester United.
Dhe për të konfirmuar këtë deklaratë, mendojnë shifrat, pasi asnjë nga sulmuesit e njohur, nuk ka arritur të bëjë kaq mirë në moshën 22-vjeçare, sa po bën sulmuesi i talentuar norvegjez.
Karim Benzema: I lindur në 1987-ën, u transferua te Reali pas disa sezoneve të suksesshme te Lyoni, ku kishte shënuar 42 gola në 5 sezone në kampionat dhe 12 gola në 19 ndeshje në Champions. Në vitin e 22-të të jetës, Benzema shënoi 8 gola në 27 ndeshje në kampionat dhe një gol në 5 ndeshje në Champions.
Cristiano Ronaldo: – I lindur në 1985-ën dhe ndryshe nga Haaland, Ronaldo kishte një Europian e një Botëror të luajtur me Portugalinë. Gjithashtu në moshën 22-vjeçare shënoi 31 gola në 34 ndeshje në kampionat dhe mbi të gjitha fiton Ligën e Kampionëve në Moskë, duke shënuar vetëm 4 gola. Megjithatë duhet thënë se Ronaldo luante më larg portës atëherë, kryesisht si sulmues krahu.
Zlatan Ibrahimovic: Në moshën 22-vjeçare niste sezonin e tij të tretë me fanellën e Ajaxit dhe ia doli të shënojë 13 gola në kampionat e vetëm 4 në Ligën e Kampionëve.
Kylian Mbappe: Është ai futbollisti që do të provojë të rrëmbejë skenën e futbollit, bashkë me norvegjezin Haaland. Në moshën 22-vjeçare shënoi 27 gola në 31 ndeshje, por kjo nuk mjaftoi që të shpallte PSG-në kampione. Para këtij sezoni, kishte shënuar 80 gola në kampionat dhe 19 në Champions, ndërsa Haaland para këtij sezoni ishte në kuotën e 93 golave në kampionatet ku ka luajtur dhe 23 në Champions.
Lionel Messi: I lindur në 1987-ën, në moshën 22-vjeçare udhëhoqi Barcelonën drejt triumfit në Ligën e Kampionëve, duke shënuar edhe golin me kokë në finale. Megjithatë atë sezon shënoi vetëm 17 gola në total gjithë sezonin, ndërsa në vijim, regjistroi kuotën e 34 golave në 35 ndeshje. Deri në moshën 22 vjeçare, Messi kishte shënuar vetëm 54 gola, pra më pak se Haaland.
Të gjitha këto shifra konfirmojnë se Haaland është tashmë një lider, që në të ardhmen mund të përmirësohet shumë më tepër dhe këtë e dinë mirë drejtuesit e Manchester City-t, që kanë nisur punën për t’i rinovuar kontratën, me synimin për ta blinduar për shumë vite.
Të tjera
-
Zihen për foltore, Saranda Bogujevci kërkon nga sigurimi t’i largojë nga seanca Ferat Shalën dhe Salih Zybën
Nënkryetarja e Kuvendit të Kosovës, Saranda Bogujevci, ka kërkuar nga sigurim...
-
Masakra e Studimes, Osmani: Të vërtetën do ta mbrojmë kurdo e kudo
Presidentja e Kosovës, Vjosa Osmani, në akademin përkujtimore për Masakrën e ...
-
Operacioni “Pandora” i EUROPOL-it: Shkatërrohen 12 “Call Center” mashtruese – e përfshirë edhe Kosova
2 qendra të thirrjeve mashtruese janë shkatërruar nga EUROPOL-i gjatë një ope...
-
KDI: Ligji i (ri) i Punës të rikthehet në agjendën legjislative
Instituti Demokratik i Kosovës (KDI), me rastin e Ditës Ndërkombëtare të Punë...
-
Zemaj për VV-në: “Hajna të certifikuar, s’është ndryshe kur vjedhin në bukë e grurë të rezervave shtetërore”
Deputeti i Lidhjes Demokratike të Kosovës, Armend Zemaj, e ka quajtur mazhora...
-
BE-ja ndan 1 miliard dollarë ndihmë për Libanin
Shefja e Komisionit Evropian, Ursula von der Leyen, njoftoi për 1 miliard dol...
-
Kusari-Lila thotë se raporti i DASH-it ka lëshime dhe pasaktësi
Kryetarja e GP të VV-së, Mimoza Kusari Lila, ka thënë se raporti i Departamen...
-
I vazhdohet paraburgimi Naim Murselit dhe dy të dyshuarve të tjerë, i katërti mbrohet në liri
Gjykata Themelore e Prishtinës ua ka vazhduar edhe për dy muaj të tjerë masën...
-
Tahiri: Nëse Asociacioni “këmbehet” me Këshillin e Evropës, atëherë çka do të jap Kosova për njohjen nga Serbia?
Ish-kryenegociatorja e Kosovës në dialogun teknik me Serbinë, Edita Tahiri, ë...
-
Pacienti që u raportua i zhdukur nga Instituti Special në Shtime kthehet në qendër
Pacienti i cili është larguar një ditë më parë nga Qendra për Integrimin dhe ...
-
PDK: Kuvendi sa më parë të shpërndahet dhe vendi të shkojë në zgjedhje
Shefi i grupit parlamentar të PDK-së, Abelard Tahiri në seancën e sotme të Ku...
-
Zhvilluan gara në autostradë dhe goditën për vde kje tre persona, aktakuzë ndaj dy të dyshuarve në Prizren
Prokuroria Themelore në Prizren, Departamenti i Krimeve të Rënda, ka ngritur ...