Muaji tetor cilësohet të jetë muaji rozë, ku i dedikohet ndërgjegjësimit mbi kancerin e gjirit.

Në tetë mujorin e parë të vitit 2022, në Kosovë janë identifikuar 250 raste të reja me kancerin e gjirin.

Kështu ka bërë të ditur për FrontOnline, ushtruesi i detyrës së drejtorit të Klinikës së Onkologjisë, Arben Bislimi.

-Advertisement-

“Numri i pacientëve me kacer të gjirit deri në fund të majit gusht ka qenë 250 kurse në total me sëmundje malinje afër 1 mijë pacient”, tha Bislimi,

Ndërsa i pyetur se ka kapacitet Klinika e Onkologjisë për trajtimin e këtyre rasteve, ai tha se kanë mungesë të infermierëve pasi që numri i pacientëve është i madh.

“Kapacitetet mbulohen sa i përket profesionistëve shëndetësorë në këtë rast mjekëve dhe 4 specializantëve që janë në shkollim e sipër, ne kemi ngecej sa i përket stafit të infermierëve duke e ditur fluksin e pacientëve në planin ditor rreth 150 pacientë i kemi gjatë ditës”, u shpreh ai

E përveç mungesës së infermierëve në Klinikën e Onkologjisë mungojnë edhe disa medikamente.

“Ne trajtimin e pacientëve e bëjmë në bazë të listës esenciale që e kemi dhe d.m.th. në bazë të planifikimit vjetor që bëhet, mbulueshmëria e kësaj liste është sjellë diku rreth 75 %. Mungesë kemi për momentin të disa medikamenteve kjo mungesë varion nga dita nga java për shkak se d.m.th. ne i ofrojmë shërbimet, por ne nuk bëjmë procedimin e tyre, faktikisht ne si klinikë shkojmë në bazë të planifikimit dhe kërkesave”, deklaroi Bislimi

Kanceri i gjirit kryesisht prek gjininë femërore dhe në raste të rralla edhe atë mashkullore.

Onkologu Bislim, tha se për ta parandaluar hapjen e kësaj sëmundje është e nevojshme që për çdo ndryshim të kërkohet ndihma e mjekut.

“Unë përfaqësoj edhe shoqatën e onkologëve dhe ne gjithmonë kemi qenë në vazhdën e aktiviteteve, e jona është si profesionist që të kërkojmë që asnjëherë të mos hezitohet te çdo ndryshim që kanë në trupin e tyre të kërkohet ndihma e mjekut sepse mundësia me parandalu në fillim është e madhe, të behet mamografia, të bëhen kontrollet e rregullat”, tha ai

Gjatë vitit 2021 në Kosovë, janë regjistruar 571 raste me kancerin e gjirit.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-