Lajme

Gjini del me njoftim për vërshimet në Gjakovë, tregon cilat vende janë në gjendje më të rëndë

Autori: Gazeta inFokus 15:49 | 17 September 2022

Kryetari i Gjakovës, Ardian Gjini, tha se të reshurat gjatë natës së mbrëmshme në komunën e Gjakovës shkaktuan dëme të konsiderueshme materiale në bodrumet e shtëpive dhe në rrugë publike.

Gjini tha se nga vizitat në teren, në gjendje më të keqe janë: ura në Moglicë, rruga “Yllka Domi”, “Pika e Zezë II”, “Shote Galica”.

“Të gjitha ekipet emergjente janë vënë në shërbim të qytetarëve për t’iu dhënë ndihmë. Aktualisht nuk mund të vlerësojmë saktë dëmet materiale të shkaktuara, mirëpo ju lusim që të gjitha rastet t’i raportoni në qendrën e thirrjeve 112, në të njëjtën kohë ekipet tona janë në terren”.

-Advertisement-

Kryetari i Gjakovës tha se në këto momente do të përqendrohen në ndërhyrjet urgjente për shkak se mund të këtë reshje prapë.

Gjithashtu, ai premtoi se për familjet e evakuuara do të sigurojë strehim.

“Lusim të gjithë qytetarët e komunës së Gjakovës që në çfarëdo rasti të rrezikut të lajmërohen në qendrën e thirrjeve, në organet e rendit dhe tek zjarrfikësit”.

Subscribe në YouTube: GAZETA INFOKUSI