Lajme

Edhe një shkollë në Gjakovë del kundër grevës, fillon mësimin nesër

Autori: Gazeta inFokus 14:31 | 14 September 2022

Pas fillimit të mësimit sot në shkollën “Këlmend Rizvanolli”, në Gjakovë, procesin mësimor do të fillojë edhe shkolla “Fehmi Agani”, shkruan Gazeta Infokus.

Sipas një njoftimi nga kjo shkollë, nxënësit do të fillojnë mësimin që nga nesër (e enjte).

Përmes një postimi në “Facebook”, nga kjo shkollë kanë bërë të ditur edhe orarin e mësimit për nxënësit e ciklit fillor dhe para-fillor.

-Advertisement-

“Duke menduar për më të mirën e nxënësve Këshilli i mësimdhënësve të ShFMU”Fehmi Agani “ me synimet drejt suksesit nga nesër me 15.09.2022 do të fillojnë mësimin mësueset e klasës parafillore dhe ciklit fillor( I – V ). Njëherit tregojmë gadishmërin që shumë shpejtë do të fillojnë mësimin edhe arsimtarët e ciklit te mesem te ulte deri në mbarim të bisedimeve pasi që shumë mësimdhënës janë që punojnë edhe në shkolla tjera”, thuhet në njoftimin e tyre.

Më poshtë gjeni postimin e tyre të plotë: