Lajme

Arifi: Reciprociteti me targat në zbatim, nxënësit në Luginë obligohen ta këndojnë himnin serb

Autori: Gazeta inFokus 10:56 | 08 September 2022

Kryetari i Preshevës, Shqiprim Arifi, sheh hipokrizi në përpjekjen e Qeverisë së Kosovës për të vendosur reciprocitet me Serbinë.

Arifi sot ka publikuar një fotografi duke vënë ngjitësin mbi stemën e Serbisë në kufi, duke kujtuar se nxënësit shqiptarë në Luginën e Preshevës obligohen që në ditën e parë të shkollës ta këndojnë himnin serb.

“Reciprociteti me targat në zbatim, ndërkohë nxënësit shqiptarë në Luginë të Preshevës, në ditën e parë të shkollës, obligohen të intonojnë himnin kombëtar të Serbisë “Bože Pravde”!”, ka shkruar Arifi.

-Advertisement-

Të mërkurën, Arifi publikoi dokumentin me të cilin nxënësit shqiptarë detyrohen ta këndojnë himnin serb, teksa pyeti se “cilat aktivitete e zhvillime janë ndërmarrur dhe planifikuar në këtë drejtim nga Qeveria e Republikës së Kosovës?”.

Gjatë vizitës në Luginën e Preshevës, zëvendëskryeministri Besnik Bislimi dhe ministrja e Arsimit, Arbërie Nagavci nuk u takuan me Shqiprim Arifin, kryetarin e Komunës së Preshevës. Ky i fundit tha se Qeveria Kurti ende nuk i ka transferuar 2 milionë eurot e premtuara.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy