Mbajtja në paraburgim e ish-krerëve të UÇK-së, vlerësohet se Gjykata Speciale po tregohet e ashpër me ta
![](https://gazetainfokus.com/wp-content/uploads/2022/07/thaci-veseli-780x439-1.jpg)
Autori: Gazeta inFokus
10:09 | 28 July 2022
Gjykata Speciale në Hagë, po tregohet më e ashpër sesa që duhet në raport me vazhdimin e masës së paraburgimit të ish krerëve të UÇK-së.
Kështu vlerëson Instituti i Kosovës për Drejtësi, ndërsa thekson se bazuar në faktet, procesi gjyqësor kundrejt ish krerëve të UÇK-së, mund të fillojë nga shtatori i vitit të ardhshëm.
Masa e paraburgimit caktohet në kushte të caktuara, kur ka dyshim të bazuar se personat që janë në paraburgim, mund të ndikojnë në dëshmitarë, apo në rrethanë tjetër, mund të mos i përgjigjen ftesës për gjykim nga ana e Gjykatës. Kështu thotë për Radio Kosovën drejtori i Institutit të Kosovës për Drejtësi, Ehat Miftaraj, i cili vlerëson se Gjykata Speciale, po tregohet e ashpër në raport me ish krerët e UÇK-së.
“Edhe përkundër faktit që po flasim për vepra penale të cilat janë shumë serioze, standardet që promovojnë të drejtat dhe liritë e të pandehurve në procedurë penale, kërkojnë që kjo masë të caktohet vetëm në rrethana të jashtëzakonshme, pasi që personat që po mbahen në Hagë mund të lirohen nga policia penale, atëherë koha e kaluar në paraburgim apo privimi nga liria është një masë që pastaj nuk mund të kompensohet”, tha ai.
Murtezaj tha se procesi gjyqësor është duke shkuar shumë ngadalë. Sipas tij, do të shkojnë muaj të tërë, deri të kalohet në shqyrtim kryesor.
“Gjyqtarët e procedurës paraprake kanë qenë shumë më të ashpër me prokurorin, duke kërkuar që prokuroria të ofrojë dosjen të ana e avokatëve në mënyrë që të kalojë shqyrtimi kryesor. Mbrojta ende nuk e ka kohën e duhur siç e përcakton edhe ligji, këtë vit pothuajse është e pamundshme të fillojë shqyrtimi kryesor, ky afat do mund të vazhdojë deri në shtator të vitit të ardhshëm”, shtoi Murtezaj.
Profesori universitar i të Drejtës Kushtetuese, Arsim Bajrami, thotë për Radio Kosovën se politikisht mund të ushtrohet presion ndaj autoriteteve të gjykatës që të respektojnë rregullat ligjore, e në mënyrë të veçantë, të mundësojnë një gjykim të shpejtë, të drejtë e të paanshëm.
“Janë jo vetëm shkelje e Kushtetutës dhe legjislacionit të Kosovës, por edhe shkelje e të drejtave të Konventave Evropiane për të Drejtat e Njeriut dhe të Drejtës Ndërkombëtare Penale, që nga mbajtja në arrest pa kurrfarë nevoje e deri te shkeljet procedurës në radhë të parë nga gjyqtari paraprak”, tha Bajrami.
Ndryshe, avokatët e ish-krerëve të UÇK-së që po qëndrojnë në paraburgim në Hagë kanë kërkuar që të akuzuarit të mbrohen në liri dhe për këtë i janë drejtuar Policisë së Kosovës për t’i ofruar garanci. Në parashtresat e kryeprokurorit special, Jack Smith, pretendohet se ekziston rreziku që ish-pjesëtarët e UÇK-së të arratisen, të ndikojnë në dëshmitarë ose ta kryejnë ndonjë krim, për çka edhe u është vazhduar masa e paraburgimit.
![](https://gazetainfokus.com/wp-content/uploads/2023/12/Image_20231220_143505_782-scaled.jpeg)
Të tjera
-
Biserko: Vuçiq nuk e zbaton marrëveshjen e Brukselit, po pret ardhjen në pushtet të Trumpit
...
-
Kurti: Bashkatdhetarët nga e hëna mund të marrin falas policën e sigurimit me vlefshmëri një muaj
Kryeministri Albin Kurti përmes një postimi në Facebook ka thënë se edhe këtë...
-
Zhduken dy vajza, njëra në Vushtrri tjetra në Prizren
Dy vajza janë zhdukur, njëra në Vushtrri e tjetra në Prizren. Një grua në Vu...
-
Zhvillimet e fundit në vend, Osmani u takua me ambasadorin francez Guérot
Presidentja e Kosovës, Vjosa Osmani, ka pritur dje në takim ambasadorin e Rep...
-
Maqedonci: Ushtria e Kosovës po ndërtohet si një forcë kompatibile me NATO-n
Ministri i Mbrojtjes, Ejup Maqedonci, ka dhënë detaje lidhur me një varg akti...
-
Qeveria: Kosova ka një prej niveleve më të ulëta të borxhit shtetëror në kontinentin e Evropës
Qeveria e Kosovës ka mbajtur dje mbledhjen e rregullt, ku ka marrë disa vendi...
-
Pagesë mbi 8 mijë euro si pagë mujore, e një ‘minierë’ keqpërdorimesh tjera evidentohen nga Auditori në “Trepçën” në prag të falimentimit
Minatorët në minierën e Trepçës në Stan Tërg ndërprenë punën para disa ditësh...
-
Ku dhe si i gjeti policia kamerat në veri?
Policia e Kosovës ka shoqëruar në stacion policor edhe dy persona të tjerë, n...
-
Nagavci: Në Podujevë do të ndërtohet Qendra e Kompetencës
Ministrja e Arsimit, Arbërie Nagavci, si dhe kryetari i Podujevës, Shpejtim B...
-
FSK përfundon ushtrimin fushor “Steel Wolf”
Regjimenti i Dytë (R2K) i Komandës së Forcave Tokësore të FSK-së ka realizuar...
-
Hill për dështimin e takimit Kurti-Vuçiq: Jemi të dekurajuar
Në një intervistë dhënë së fundi, ambasadori i Shteteve të Bashkuara të Ameri...
-
BE-ja sanksionon financuesit e Hamasit
Bashkimi Evropian ka ngrirë asetet dhe ka vendosur ndalesa të udhëtimit për d...