Sport

Garë mes dy klubeve të njohura franceze, Marcelo drejt Ligue 1

Autori: Gazeta inFokus 14:06 | 18 July 2022

Marcelo mbylli në mënyrën më të mirë të mundshme aventurën 15-vjeçare me Realin e Madridit. Anësori i majtë brazilian fitoi titullin, Superkupën e Spanjës dhe Champions League në sezonin e fundit në “Santiago Bernabeu”, duke u kthyer në futbollistin më fitues të historisë së klubit të famshëm spanjoll.

Dëshira e 34-vjeçarit është të provojë një tjetër aventurë në futbollin europian. Rikthimi në Brazil është shtyrë, ndërkohë që dy klube të Ligue 1 po garojnë për shërbimet e lojtarit latin.

Lyon është gati t’i ofrojë një kontratë dhe një post titullari në skuadër, por Marcelon e do edhe Marseille. RMC Sport raporton se Igor Tudor, trajneri i ri i Marseille, u ka kërkuar drejtuesve të arrijnë një marrëveshje me mbrojtësin e majtë.

-Advertisement-

Subscribe në YouTube: GAZETA INFOKUSI