Lajme

Nuk duron më Faton Peci, reagon për humorin që po bëhet me mbiemrin e tij

Autori: Gazeta inFokus 15:32 | 11 July 2022

Ministri i Bujqësisë, Pylltarisë dhe Zhvillimit Rural, Faton Peci, ka reaguar ndaj përdorimit të mbiemrit të tij në aspektin negativ.

Ai tha se disa nga mediat nuk po e shohin punën e tij si ministër duke e mbuluar me raportim seksist.

I pari i MBZHR-së shtoi se ndjehet keq kur mbiemri i tij përdoret në aspektin pezhorativ.

-Advertisement-

“Prej disa kohësh, në disa prej mediave online, sistematikisht jam bërë pjesë e fushatës denigruese në raport me mbiemrin tim. Pra, këto media punën time si ministër dhe si njeri i angazhuar në politikë po e mbulojnë nëpërmjet raportimit seksist apo përqeshjes në raport me mbiemrin tim. Puna e secilit e përmbushë emrin dhe mbiemrin. Ka të tillë që bartin histori pas vetes, sikundër që ka të tillë që janë pjesë e arealit të mbiemrave kosovarë. Është për keqardhje kur konotacioni pezhorativ përdoret nga një pjesë e atyre që lirinë e fjalës po e kthejnë në liri denigrimi” – tha Peci.

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme