Rozë

I vunë tritol në lokalet e tij në Durrës, ky është reagimi i parë i Noizy’t

Autori: Gazeta inFokus 14:42 | 08 June 2022

Një shpërthim me eksploziv është regjistruar orët e para të mëngjesit të sotëm në Durrës, ndërsa u bë e ditur se eksplozivi është vënë në lokalin në plazh në pronësi të reperit Rigels Rajku apo i njohur ndryshe si Noizy.

Nga shpërthimi në lokalin e Noizyt janë dëmtuar xhamat në të dy katet e ndërtesës. Fatmirësisht nga shpërthimi në lokalin e Noizyt nuk ka të lënduar, vetëm dëme materiale.

Kujtojmë se dy ditë më parë Noizy u përfshi në sherr me reperin, Kleviol Ahmetin i njohur me nofkën “Cllevio Serbiano”, shkruan Express.

-Advertisement-

Lidhur me këtë ngjarje të fundit, Noizy ka dhënë deklaratë në Polici, ku është shprehur se ka problem vetëm me reperin, Cllevio. Ndërsa, para pak minutash ka publikuar dy fotografi në rrjetin social “Instagram”.

Të dy postimet kanë qënë njoftime, e para për koncert në Zvicër, teksa e dyta se nesër do të publikoj këngën e quajtur “Alkool” në bashkëpunim me artistin Yll Limani./Express