Sport

I dha lamtumirën Atletico Madrid, Suarez kërkohet nga gjigantët e Seria A

Autori: Gazeta inFokus 11:31 | 16 May 2022

Pas dy sezonesh me Atleticon e Madridit dhe një titulli kampion, Luis Suarez u ka dhënë lamtumirën bardhekuqve dhe është përshëndetur për herë të fundit me tifozët në “Wanda Metropolitana” pas ndeshjes me Sevillan.

Jo vetëm Inter Miami në Amerikë dhe Aston Villa e Sevilla në Evropë, së fundmi për Luis Suarez është interesuar edhe Interi.

Mediet spanjolle raportojnë se pasi i dha lamtumirën tifozerisë së Atletico Madrid, sulmuesi është duke menduar për të ardhmen.

-Advertisement-

Suarez do të largohet me parametra zero dhe “zikaltërit” kanë marrë informacione për të, duke pasur parasysh ndryshimet e mundshme që Inter ka në plan të bëjë në verë,

Sulmuesi uruguaian firmosi për dy sezone me madrilenët e drejtuar nga Simeone dhe që në vitin e parë dha një kontribut shumë të madh për fitimin e titullit kampion.

Megjithatë sezoni i dytë nuk ishte më nivelin e pritshmërive për Suarez, që shpesh pa ndeshjet nga pankina dhe drejtuesit e Atleticos vendosën të mos i rinovojnë kontratën e ta lënë të lirë.

Subscribe në YouTube: GAZETA INFOKUSI