Lajme

Qytetarët kundër idesë për tërheqjen e 20% nga trusti pensional

Autori: Samire Jaha 15:25 | 15 February 2022

Qytetarëve të Prishtinës si duket nuk po iu pëlqen ideja që të tërhiqet edhe 20 përqind nga trusti pensional.

Kjo ani pse janë rritur çmimet e energjisë, naftës e produkteve ushqimore, për ta kjo nuk është një arsye që të preken paratë e trustit.

Të paktën kështu kanë deklaruar qytetarët për Gazetën Infokus, ku pjesa më e madhe e tyre ishin kundër tërheqjes, për arsye të ndryshme.

-Advertisement-

E një ndër arsyet më të shpeshta ishte “Jo sepse duhet me mëndu edhe për pleqni, shkruan Gazeta Infokus.

Madje, njëri nga qytetarët tha se kjo gjë nuk i intereson fare.

“Nuk po di aty e vendos vetë qeveria, unë e kom rras trustin skam lan kurgjo ma aty, nuk um intereson”, deklaroi një qytetar tjetër.

Ndërsa, një qytetare e pa si të arsyeshme këtë vendim për shkak situatës së krijuar tek ne.

“Po mendoj që po se, situata po është shumë.., qysh po është situata edhe për shkak se popullata nuk kanë, edhe tash me rritjen e rrymës, rritja e ushqimeve, e duhet me u terhjek”, tha një qytetare.

Por që kishte edhe nga ata të cilët nuk ishin në dijeni fare për pjesën e Trustit Pensional.

“S’kam lidhje hiq me këto vallahi më vjen keq”, tha një qytetar tjetër.

Ky debat për Trustin u rikthye përsëri në vendin tonë, e kjo për shkak se disa nga ekonomistët po kërkojnë mundësimin e tërheqjes së një përqindjeje nga Fondi i Kursimeve Pensionale. Argument për këtë kërkesë e kanë rritjen e çmimeve në shumë sektorë.

Tërheqja e një përqindje nga Trusti Pensional ishte lejuar edhe para një viti.

Kjo tërheqje ishte vetëm 10 përqind e që u vendos për të përkrahur familjet me nevojë për shkak të pandemisë me Covid-19, që kishte kapluar tërë botë.

Për të parë përgjigje të tjera nga qytetarët e Prishtinës shihni videon më poshtë./Gazeta Infokus/

Subscribe në YouTube: GAZETA INFOKUSI