Lajme

Mehaj për vdekjen e kolonel Skënder Halitit: Jemi të tronditur, do të kujtohet si patriot i madh

Autori: Gazeta inFokus 11:36 | 14 February 2022

Ministri i Mbrojtjes, Armend Mehaj u ka shprehur ngushëllime familjarëve, miqve dhe bashkëluftëtarëve të kolonel Skënder Halitit, pas vdekjes së këtij të fundit.

Mehaj ka thënë se ai së bashku me stafin e ministrisë janë tronditur thellë me lajmin e vdekjes së luftëtarit të UÇK-së, eprorit të TMK-së, FSK-së, kolonel Skënder Haliti.

“Kolonel Haliti, në të gjitha detyrat dhe përgjegjësitë zyrtare, si dhe ato qytetare dhe kombëtare ka dhënë kontribut të madh në gjithë proceset e ndërtimit, zhvillimit dhe forcimit të Ushtrisë sonë dhe vendit në përgjithësi.

-Advertisement-

Do të kujtohet gjithmonë nga ne, me nder, si patriot i madh, burrë me karakter e personalitet të fortë dhe i dashur për të gjithë”, ka shkruar Mehaj.

Postimi i plotë:

E dashura Familje Haliti,

Të nderuar, miq, bashkëluftëtarë, bashkëveprimtarë e bashkëpunëtorë të Kolonel Halitit,

Unë me stafin e Ministrisë së Mbrojtjes dhe gjithë pjesëtarët e FSK-së , jemi të tronditur thellë me lajmi e hidhur me rastin e ndarjes së papritur nga jeta të luftëtarit të UÇK-së, eprorit të TMK-së, FSK-së, si dhe mikut e bashkëpunëtorit tonë të sapo-pensionuar të Ministrisë së Mbrojtjes, kolonel Skënder Halitit.

Kolonel Haliti, në të gjitha detyrat dhe përgjegjësitë zyrtare, si dhe ato qytetare dhe kombëtare ka dhënë kontribut të madh në gjithë proceset e ndërtimit, zhvillimit dhe forcimit të Ushtrisë sonë dhe vendit në përgjithësi.

Do të kujtohet gjithmonë nga ne, me nder, si patriot i madh, burrë me karakter e personalitet të fortë dhe i dashur për të gjithë.

Andaj , Familje e dashur Haliti, miq, bashkëluftëtarë, bashkëveprimtarë e bashkëpunëtorë të Kolonel Halitit, mbi dhembjen e madhe që kemi së bashku, të kemi krenarinë për jetën dhe veprën madhështore të tij në shërbim të Lirisë e Pavarësisë së Kombit dhe Atdheut.

Qoftë i përjetshëm kujtimi për të!

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy