Sport

Pas tre vitesh Mancini do ta rikthejë Balotellin në Kombëtaren e Italisë

Autori: Gazeta inFokus 14:25 | 22 January 2022

Trajneri Roberto Mancini do ta thërras sulmuesin Mario Balotellin në grumbullim për herë të parë pas tre vitesh për ndeshjet e radhës së Kombëtares së Italisë.

Momentalisht, sulmuesi 31 vjeçar është në radhët e skuadrës turke Adana Demirspor, me të cilën ka regjistruar shtatë gola dhe dy asistime në 18 paraqitje në Super Ligën e Turqisë.

Siç raportohet nga gazetari i njohur Fabrizio Romano, Mancini ka vendosur ta thërras Balotellin për ndeshjet e radhës me kombëtaren, kështu duke iu ribashkuar “Azzurrëve” në grumbullim për herë të parë pas tre vitesh.

-Advertisement-

Balotelli dhe Mancini kanë histori së bashku në të kaluarën, ku të dy kanë qenë pjesë e klubeve si Interi dhe Manchester City.