Lajme

Masast e reja anti-Covid: Kufizime edhe në burgje

Autori: Gazeta inFokus 10:50 | 22 January 2022

Shërbimi Korrektues i Kosovës ka marrë disa masa kufizuese në burgje, pas rritjes së rasteve me Covid-19 në Kosovë.

Sipas njoftimit të SHKK-së, do ndalohen vizitat familjare, vikendet për të burgosurit dhe vizitat në lokalet e veçanta.

“Ndalimin e vizitave familjare për të gjitha kategoritë e të burgosurve; Ndalimin e vikendeve për të dënuarit nëpër institucionet korrektuese; Ndalimin e vizitave në lokalet e veçanta”, ka njoftuar SHKK-ja.

-Advertisement-

Ndërkaq, për të burgosurit janë dhënë udhëzime për të zëvendësuar veprimet që u ndalohen.

Atyre do t’u lejohet aplikimi i sistemit virtual të komunikimit “Skype” për të mundësuar kontaktet me familjet, sipas rutinës së përcaktuar nga Institucioni: “Lejimin e numrit të shtuar të thirrjeve telefonike gjatë kësaj periudhe; Pastrimi i rrobave për të paraburgosur do të organizohet në Institucione”, thuhet ne njoftim.

“Nga këto masa përjashtohen: Institucioni i Avokatit të Popullit; Mbrojtësit (avokatët) në rastet kur gjykimi është në zhvillim”, njofton Shërbmi korrektues.

Këto masa do të hyjnë në fuqi nga sot.

Subscribe në YouTube: GAZETA INFOKUSI