Lajme

“Sa më shpejt negociatat!”Austria ultimatum BE-së: Ktheni vëmendjen nga Ballkani Perëndimor

Autori: Gazeta inFokus 11:27 | 27 December 2021

Frenimi i zgjerimit të Bashkimit Europian me Maqedoninë e Veriut dhe Shqipërinë rrezikon të kthehet në boomerang për vetë unionin.

Sipas Austrisë, BE-ja duhet të kthejë sa më parë vëmendjen tek Ballkani Perëdimor dhe të nisë sa më parë negociatat e anëtarësimit me dy vendet, pasi rrezikon të bëhet e pabesueshme në rajon.

Bashkimi Europian ende nuk ka dhënë asnjë sinjal për nisjen e negociatave të anëtarësimit për Maqedoninë e Veriut dhe Shqipërinë, duke u bërë shkak për krijimin e një klime mosbesimi në rajon.

-Advertisement-

Ndaj kësaj situate ka reaguar Ministrja austriake për Europën, Karoline Edtstadler, e cila ka kërkuar që vëmendja e unionit të kthehet në Ballkanin Perëndimor dhe proceset integruese të këtyre shteteve të ecin përpara.

Ministrja deklaroi se është e rëndësishme për dy vendet tona që të marrin një sinjal nga BE dhe sa më shpejt të jetë e mundur, thirrje e cila i bëhet Francës, si shtet i cili merr Presidencën e Bllokut më 1 janar, pas përfundimit të mandatit të Sllovenisë.

Ministrja shtoi se kthimi i vëmendjes në këto vende do të krijojë mundësinë që qeveritë e shteteve të Ballkanit Perëndimor të justifikohen përpara qytetarëve dhe votuesve të tyre për gjithçka që kanë bërë deri tani në dobi të integrimit.

Referuar deklaratave të Ministres austriake për mediat vendase, shteti i saj nën qeverisjen e kancelarit Karl Nehammer, do të ketë në qendër të vëmendjes politikën e emigracionin dhe zgjerimin e Unionit Europian drejt Ballkanit Perëndimor.

Apeli i Ministres austriake vjen vetëm pak ditë nga ndërrimi i presidencës së BE-së, e cila do të pasohet nga Franca me datë 1 janar të vitit 2022.

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme