Reduktimet me energji po zgjasin me ditë në Han të Elezit
Autori: Gazeta inFokus 10:40 | 25 December 2021
Kriza energjetike në vend po lë me orë të tëra pa energji elektrike qytetarët dhe bizneset të cilat janë gjendur në vështirësi. Situata është e rëndë edhe në Komunën e Hanit të Elezit, ku qytetarët ankohen se reduktimet po zgjasin me ditë, ndërsa kryetari kësaj komune, Mehmet Ballazhi thotë se po dëmtohen edhe bizneset.
Ballazhi, në një prononcim për KosovaPress, thotë se nuk kanë orar se kur ndërpritet energjia elektrike dhe kjo po shkakton probleme pasi nuk i lë hapësirë që qytetarët të përgatiten paraprakisht për kohën kur nuk ka furnizim me energji.
“Në fakt ka që 2-3 ditë që ka filluar reduktimi me rrymën dhe e keqja e krejt asaj se ne nuk po kemi një orar të caktuar, ose nuk po kemi një informacion për orarin e reduktimit të rrymës. Me këtë rast kisha shfrytëzuar këtë kohë që t’i bëj apel, të bëj thirrje, të kërkoj që së paku të kemi një orar, të dimë se kur ndalet rryma që qytetari të jetë me i përgatitur me problemet që mund të paraqiten për shkak të reduktimit të rrymës. Ka reduktime pa orar dhe kjo na shkakton probleme në përgjithësi”, ka thënë ai.
Më tej, Ballazhi theksoi se reduktimi i energjisë elektrike po paraqet problem edhe për bizneset.
“Absolutisht që po (iu ka paraqitur vështirësi), edhe bizneseve, edhe qytetarëve të tjerë për t’i kryer punët se tani teknologjia ka arritur deri në atë shkallë se gjithçka që veprohet, që punohet, përmes teknologjisë, kështu që ka probleme”, u shpreh ai.
Qytetarët shprehen të mllefosur me reduktimet e energjisë, duke thënë se nuk kanë furnizim me ditë të tëra. Enver Kaliqi, banor i Hanit të Elezit, tha se ndërprerja e rrymës është gjithmonë shtatë orë.
“Dje nuk ka pas shtatë orë të na, tre herë ka dy orë e diçka po bëjnë shtatë orë. Herë 06 mëngjes, 12 aksham, prapë në gjashtë, shtatë orë ndalet, gjithë ndalet kështu”, ka thënë ai.
Qytetari tjetër Ramadan Kaliqi tha se reduktimet po zgjasin shumë, duke thënë se ka një ditë që nuk ka pasur furnizim me energji.
“Rrymë prej dje që u ndalë në ora 12 tanë natën, tash nuk ka, që 1 javë dite bëjnë hajgare këta me ketë popullatë. […] (06:00) Kjo Kosovë kish pas me vagona pare edhe mall, por janë duke e keqpërdor djersen e popullatës. E populli sot vuan për bukë e këta bëjnë hajgare me rrymë, me krejt senet. Edhe nuk ka rrymë që 24 orë, pa rrymë jena”, u shpreh ai.
Këtë situatë Imer Salija e ka quajtur tmerr dhe se për të po shkakton probleme të shumta, duke shtuar se ai nuk ka energji prej dy ditësh.
“Na kemi pas rrymë rregullisht, por tash me këto reduktime po është problem. Po na thonë çdo dy orë por është problemi që dy ditë nuk kemi rrymë është problem i madh, është tmerr”, theksoi ai.
KosovaPress i ka dërguar pyetje KEDS-it nëse ka reduktime më shumë se dy orë, duke përjashtuar ndërprerjen për shkak të punimeve, por nuk ka marrë një përgjigje. Ndryshe, KEDS do të mbajë sot një konferencë për të folur mbi gjendjen aktuale me furnizim me energji elektrike.
Të tjera
-
Shpejtim Bulliqi i jep 30 mijë euro më shumë kompanisë për rregullimin e trotuareve?
Hiq më pak se 30 mijë euro më shumë i pari i Podujevës, Shpejtim Bulliqi duke...
-
Bislimi takon dy deputetë zviceranë dhe kryetarin e Këshillit Nacional, flasin për Kosovën në KiE
Zëvendëskryeministri i Kosovës, Besnik Bislimi është takuar me deputetët zvic...
-
Nënshkruhet tenderi 1.7 milionësh për zgjerimin e rrugës nga Ura e Veternikut deri në hyrje të Graçanicës
Ministria e Infrastrukturës ka dhënë tenderin për zgjerimin e rrugës nga Ura ...
-
Nderohen Albright dhe ushtarët e vrarë gjatë bombardimeve, Osmani: Do të jetojnë përherë në zemrën e çdo qytetari
Presidentja e Kosovës, Vjosa Osmani, ka marrë pjesë të martën në ceremoninë e...
-
“Jo me 100 euro me dal në pension”, “Qeveri realizo kërkesat tona..” me këto parulla nisë protesta e SBASHK-ut drejt qeverisë
Tashmë ka nisur protesta e paralajmëruar e Sindikatës së Arsimit Shkencës dhe...
-
Von Cramon kërkon nga BE-ja ta përzë Serbinë: S’ka më para të Evropës, e as pako të zgjerimit për të
Raportuesja për Kosovën në Parlamentin Evropian, Viola von Cramon përmes një ...
-
Shtatë raste të dhu*ës në familje vetëm për një ditë në Kosovë
Për vetëm 24 orë, Policia e Kosovës ka raportuar për 7 raste të dhunës në fam...
-
Në Kosovë ditë pushimi, në Hagë vazhdon gjykimi kundër ish-krerëve të UÇK-së
Në Dhomat e Specializuara të Kosovës në Hagë, po vazhdon gjykimi kundër ish-k...
-
Vulin i sanksionuar nga SHBA, pjesë e qeverisë së Serbisë, reagon DASH
Departamenti Amerikan i Shtetit është shprehur i zhgënjyer me emrat e propozu...
-
Afro 100 punëtorë të lënduar këtë vit: Sigurimi shëndetësor në sirtar
Vesel Zhinopotoku, nga Inspektorati i Punës, thotë për Radion Evropa e Lirë s...
-
Vra*ja në Skenderaj, eksperti thotë se i akuzuari s’ka pasur tronditje mendore në ditën kritike
Psikiatri Ajet Bunjaku në cilësinë e ekspertit, të martën në Gjykatën Themelo...
-
Humb jetën në mënyrë tragjike mergimtari nga Vushtrria
Një mërgimtar nga Vushtrria ka ndërruar jetë tragjikisht para dy dite në Gjer...